Sársenbi kúni Ankaranyń ortalyǵynda kólikte jarylys bolyp, sońǵy málimet boıynsha 28 adam qaıtys bolǵan, 60 adam jaraqat alǵan.
Bul jóninde premer-mınıstrdiń orynbasary Nýman Kýrtýlmýsh habarlady. Birneshe kólik jarylyp ketken. Aldyn qalanyń gýbernatory Mehmet Kylychlar shabýyl ásker mingen avtobýsqa jasalýy múmkin dep málimdegen edi. Jarylys áskerı kúshterdiń shtab-páteri ornalasqan aýdanda bolǵan ári ol mańda áskerılerdiń jataqhanasy da bar. Jaqyn mańda parlament ǵımaraty men úkimettik mekemeler ornalasqan.
Oqıǵadan keıin el prezıdenti Redjep Erdogan Ázerbaıjanǵa saparyn, al Túrkıa premer-mınıstri Ahmet Davýtoglý Belgıaǵa saparyn toqtatty. Premer-mınıstrdiń orynbasary Bekır Bozdag Tvıtter jelisine jarylysty terakti dep atady.
Ótken jyly Ankarada qazan aıynda bolǵan jarylysta júzdegen adam qaza tapqan edi. Túrik bıligi bul jarylysqa jaýapkershilikti "Islam memleketi" ekstremıstik uıymyna artqan bolatyn.
