انا تٸلٸندە سٶيلەمەيتٸن قازاقتار, سەندەر ٷشٸن ۇيالامىن
ەنشٸ جەلٸدەگٸ پاراقشاسىنا قازاق حالقى تۋرالى قازاق تٸلٸندە پٸكٸر بٸلدٸرگەن شەتەلدٸكتەردٸڭ ۆيدەوسىن جٷكتەدٸ. جات جۇرتتىقتاردىڭ بٸزدٸڭ تٸلٸمٸزدە سٶيلەپ تۇرعانىن كٶرگەن ەنشٸ «دوسقا كٷلكٸ, دۇشپانعا تابا» بولعانىمىزدى اشىنا ايتتى.
«ە-ە-eh! دوسقا كٷلكٸ, دۇشپانعا تابا بولۋ دەگەن وسى ەمەس پە ەكەن دەپ قالام. بابا تٸلٸن, انا تٸلٸن بٸلمەيتٸن جانداردىڭ اقشا تٶلەپ تۇرىپ, اعىلشىن تٸلٸن ٷيرەنەتٸنٸن قايتەرسٸڭ?! تەۋەلسٸزدٸكتٸ تۋ ەتكەندەردەن تۋعان تٸلٸن بٸلمەيتٸن بٸز عانا ەكەنبٸز. ۇيالساق ەتتٸ! بٸراق, وعان دا نامىس كەرەك-اۋ… 2016-داعى ٶكپە-نازىم وسى بولسىنشى, 2017-گە دەيٸن رەنجۋگە دە ۋاقىت بولمايىن دەپ تۇر», – دەدٸ سەكەن مايعازيەۆ.
– مەن قازاقشا سٶيلەسپەيتٸن قازاقتاردى كٶردٸم, كٸشكەنە تاڭعالدىم, ولار قازاقتار, قازاقستاندا تۇرادى. قازاقشا سٶيلەۋ كەرەك, – دەيدٸ امەريكاندىق ازاماتتىڭ بٸرٸ.
«ەكٸ قازاق قىزدارى بٸر-بٸرٸنە قازاقشا سٶيلەيدٸ. بٸراق ماعان ورىسشا سٶيلەيدٸ, بٸراق مەن ورىسشا بٸلمەيمٸن», – دەپ قوشتادى ەكٸنشٸسٸ.
جەلٸ قولدانۋشىلارى بار كٸنەنٸڭ قازاق حالقىنىڭ ٶزٸنەن ەكەنٸن العا تارتتى. كٶپشٸلٸك بٸر-بٸرٸن ٶزارا انا تٸلٸندە سٶيلەسۋگە شاقىردى.
