Ana tilinde sóilemeitin qazaqtar, sender úshin uialamyn
Ánshi jelidegi paraqshasyna qazaq halqy týraly qazaq tilinde pikir bildirgen sheteldikterdiń videosyn júktedi. Jat jurttyqtardyń bizdiń tilimizde sóilep turǵanyn kórgen ánshi «dosqa kúlki, dushpanǵa taba» bolǵanymyzdy ashyna aitty.
«E-e-eh! Dosqa kúlki, dushpanǵa taba bolý degen osy emes pe eken dep qalam. Baba tilin, ana tilin bilmeitin jandardyń aqsha tólep turyp, aǵylshyn tilin úirenetinin qaitersiń?! Táýelsizdikti tý etkenderden týǵan tilin bilmeitin biz ǵana ekenbiz. Uialsaq etti! Biraq, oǵan da namys kerek-aý… 2016-daǵy ókpe-nazym osy bolsynshy, 2017-ge deiin renjýge de ýaqyt bolmaiyn dep tur», – dedi Sáken Maiǵaziev.
– Men qazaqsha sóilespeitin qazaqtardy kórdim, kishkene tańǵaldym, olar qazaqtar, Qazaqstanda turady. Qazaqsha sóileý kerek, – deidi amerikandyq azamattyń biri.
«Eki qazaq qyzdary bir-birine qazaqsha sóileidi. Biraq maǵan oryssha sóileidi, biraq men oryssha bilmeimin», – dep qoshtady ekinshisi.
Jeli qoldanýshylary bar kinániń qazaq halqynyń ózinen ekenin alǵa tartty. Kópshilik bir-birin ózara ana tilinde sóilesýge shaqyrdy.
