ليسانىڭ سىي-سياپاتىن قازاقستانداعى "شيەۆرون" كومپانياسىنىڭ وكىلدەرى الماتىداعى №10 مەكتەپ-ينتەرناتىنىڭ بالاقايلارىنا تابىستادى.
تۇرمىسى تومەن جانۇيالاردىڭ بالالارى ءبىلىم الاتىن وقۋ ورنىنا ارنايى بارعان كومپانيا وكىلدەرى ولارعا باس كيىمنەن بولەك، ويىنشاقتار دا سىيعا تارتتى.
ليسانىڭ توقىما ونەرىمەن اينالىسۋىنا قازاقستانداعى «شيەۆرون» كومپانياسىنىڭ وكىلدەرى سەبەپكەر بولىپتى.
جۇمىستان تىس ۋاقىتتا باس قوسىپ، توقۋ ىسىمەن اينالىساتىن ەرىكتىلەر ۇيىمىن قۇرۋعا «شيەۆرون» كومپانياسىنىڭ باق-پەن بايلانىس كوورديناتورى اينۇر سىدىقوۆا ۇيىتقى بولعان ەكەن.
– كومپانيا قاتارىنداعى كوپتەگەن قىزمەتكەرلەرگە توقۋ ءىسىنىڭ قىر-سىرىن ۇيرەتىپ، وسى ۋاقىتقا دەيىن ولاردىڭ قولىمەن تىگىلگەن كوپتەگەن دۇنيەلەردى جاڭا تۋعان سابيلەرگە، بالالار ۇيلەرىنە تابىستايتىن وزىندىك ءداستۇر قالىپتاستىردىق.
كومپانياداعى توقۋ ىسىمەن اينالىساتىن ەرىكتىلەر قوزعالىسىنىڭ قاتارى كۇن سايىن تولىعىپ كەلە جاتىر.
سونىڭ ءبىر دالەلى – امەريكادا تۇراتىن ارىپتەسىمىز ليسا لەونگ. ءبىزدىڭ باستامامىزعا قۋانا-قۋانا قوسىلعان ول ەكى ايدىڭ بالالارعا ارنالعان باس كيىمدەر توقىپ، قازاقستانعا بەرىپ جىبەردى،
سونىڭ ناتيجەسىن كورىپ وتىرسىزدار.
الماتىداعى №10 مەكتەپ-ينتەرناتىنىڭ بالاقايلارىنا ليسا توقىپ بەرگەن باس كيىمدەردى تابىستادىق»، – دەيدى ول.
ال بالاقايلار سوناۋ امەريكادان سىي بەرىپ جىبەرگەن ليسا اپايلارىنا العىسىن ايتىپ، پەرىشتە تىلەكتەرىن جاۋدىردى.
«توقۋ ءىسى مۇنىمەن توقتاپ قالمايدى. توقىما توبىما قوسىلىپ جاتقان كومپانيا قىزمەتكەرلەرىنىڭ سانى كوبەيىپ كەلەدى. «ءبىز ۇستاۋدى بىلمەيمىز، توقۋ ءىسىن ۇيرەنگىمىز كەلەدى» دەگەن كومپانياداعى جاس قىزمەتكەرلەردى تالابىن شىڭداي تۇسەتىن بولامىز»، – دەيدى بۇل رەتتە اينۇر سىدىقوۆا.
ايتا كەتسەك، بۇگىنگى تاڭدا تۇرمىس جاعدايى تومەن وتباسىلاردىڭ بالالارىنا ارنالعان الماتىداعى №10 مەكتەپ-ينتەرناتىندا 254 وقۋشى ءبىلىم الۋدا.
– بالالار بەس كۇنى بويى ينتەرناتتا جاتىپ وقيدى. بەس ۋاقىت تاماعى بار، توسەك-ورنى تازا. تەك سەنبى، جەكسەنبى كۇندەرى اتا-اناسى الىپ كەتەدى.
مۇندا بالالارعا ءبىلىم بەرۋدەن بولەك، تاربيە ماسەلەسىنە دە كوپ كوڭىل بولەمىز.
بالالار مۇندا ءبىرىنشى سىنىپتان باستاپ توعىزىنشى سىنىپقا دەيىن وقيدى. ال «شيەۆرون» كومپانياسىنا ايتار العىسىمىز شەكسىز. بالالاردىڭ العىسىن العان ساۋاپتى ءىس قوي. مۇنداي شارالار جالعاستى بولسىن دەپ تىلەيمىن، – دەدى بىزگە №10 مەكتەپ-ينتەرناتىنىڭ الەۋمەتتىك پەداگوگى ورازبيكە رىسپايەۆا.
