سول سياقتى جاس وتباسىلار اراسىندا اجىراسۋدى ازايتۋ ماقساتىندا پسيحولوگ شتاتتارىن ءبولۋ دە تاپسىرىلعان-دى. وبلىس اكىمى اماندىق باتالوۆتىڭ بۇگىن جاستارمەن قايتالاي كەزدەسۋىندە جاستار جىلىنىڭ رەسمي اشىلۋىندا مەملەكەت باسشىسى بەرگەن تاپسىرمالاردىڭ جەرگىلىكتى جەرلەردە ورىندالۋى تۋرالى ماسەلە تاقىلاندى.
كەزدەسۋدى مودەراتور رەتىندە ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ عىلىمي زەرتتەۋلەر قورىتىندىلارىن كوممەرسيالاندىرۋ كەڭسەسىنىڭ ديرەكتورى دامير وگاي جۇرگىزدى.
جاستار اتىنان ستۋدەنتتەر، سپورتشىلار، قوعام بەلسەندىلەرى، ءار سالادا ەڭبەك ەتىپ جۇرگەن جاس ماماندار ءسوز الىپ، جەتىسۋلىق جاستار بارلىق ماڭىزدى جوبالاردا باستاماشىلدىق، كرەاتيۆتىلىك تانىتا الاتىندارىن ايتتى. ماسەلەن، جاس مامان دارحان نۇرمادييەۆ ءوز سوزىندە سەمەيدە ءتۋىپ-وسىپ، استاناداعى مەديسينا ۋنيۆەرسيتەتىن بىتىرگەنىن جانە «ديپلوممەن اۋىلعا» جوباسىنىڭ قاتىسۋشىسى رەتىندە جەتىسۋ جەرىنە تابان تىرەگەنىن اتاپ ءوتتى.
– قازىرگى كەزدە ەسكەلدى اۋداندىق اۋرۋحاناسىندا تەراپيەۆت دارىگەر بولىپ جۇمىس ىستەيمىن. مەن دۇرىس تاڭداۋ جاسادىم، مەنىڭ ءبىلىمىم مەن ماشىعىم حالىقتىڭ دەنساۋلىعىن جاقسارتۋعا ىقپال ەتىپ جاتقانىنا ريزامىن. «ديپلوممەن اۋىلعا» جوباسى بويىنشا اۋرۋحانادا جۇمىس ىستەپ جۇرگەن مەن سياقتى تاعى 8 مامان بار. ءبارىمىز دە ءبىر رەتتىك كوتەرمە جاردەماقى مەن تۇرعىن ءۇي نەسيەسىنە كەزەكتە تۇرمىز، اقپان ايىندا الامىز دەپ جوسپارلاپ وتىرمىز. ءبىز ەلگە پايدامىزدى تيگىزگەنىمىزگە، ال مەملەكەت بىزگە قولداۋ كورسەتكەنىنە ريزامىز، – دەدى ول.
قاراتال اۋدانىنداعى «باقىت-قاراتال» ج ش س ديرەكتورى سەرىكجان جەكسەمبينوۆ ءوزىنىڭ اۋىل شارۋاشىلىعى سالاسىنداعى جەتىستىكتەرىمەن ءبولىستى. ول دا مەملەكەت تاراپىنان كورسەتىلگەن قولداۋ ونىڭ جەمىستى جۇمىسىنا زور ىقپال ەتكەنىن اتاپ ءوتتى. تابىستى كاسىپكەرلىكپەن قاتار سەرىكجان – «تۋعان جەر» باعدارلاماسىنىڭ بەلسەندى قاتىسۋشىلارىنىڭ ءبىرى. ونىڭ قاراتال اۋدانىن كوركەيتۋگە باعىتتالعان يگى ارەكەتتەرى ايتۋعا تۇرارلىق. وتكەن جىلدىڭ قورىتىندىسى بويىنشا ول «جىل مەسەناتى» نوميناسياسىندا جەڭىمپاز اتانعان.
جازەل داكۋبايەۆا – تالدىقورعاننىڭ «جەتىسۋ ەرىكتىلەرى» ەرىكتىلەر قوزعالىسىنىڭ بەلسەندى قاتىسۋشىسى. ول ءوز سوزىندە بارشا جاستاردى ەرىكتىلەر قوزعالىسىنا اتسالىسۋعا شاقىرىپ، وبلىس اكىمىنە وقۋدا وزات ەرىكتىلەردىڭ جوعارى وقۋ ورىندارىنا گرانت ءبولۋ ماسەلەسىن قاراستىرۋدى سۇرادى.
تالدىقورعان قالاسىنداعى نازاربايەۆ زياتكەرلىك مەكتەبى ديرەكتورىنىڭ وقۋ ءىسى جونىندەگى ورىنباسارى ۆيكتور سوسين وڭىردە ىت-تەحنولوگيانى دامىتۋعا بارلىق جاعداي بار ەكەنىن، وبلىس باسشىسىنىڭ جاستار ءۇشىن ءىت-ستارتاپ جوبالارىنىڭ تەحنوپاركىن قۇرۋ تۋرالى يدەياسىن قولدايتىنىن جەتكىزدى.
جاستاردى سپورتپەن شۇعىلدانۋعا، سالاماتتى ءومىر سالتىن ۇستانۋعا شاقىرعان ق ر بوكستان سپورت شەبەرى، الەم چەمپيوناتىنىڭ كۇمىس جۇلدەگەرى انەل قۇدايبەرگەن وبلىس باسشىلىعىنان سپورتتاعى دارىندى جاستاردى قولداۋدى سۇرادى.
كەزدەسۋ سوڭىندا ءسوز العان وبلىس اكىمى اماندىق باتالوۆ كۇنى كەشە عانا استانادا جاستار جىلىنا ارنالعان اۋقىمدى فورۋم وتكەنىن، بۇل جيىندا مەملەكەت باسشىسى جىل كولەمىندە اتقارىلۋى ءتيىس ءبىرقاتار مىندەتتەردى ايقىنداعانىن اتاپ ءوتتى.
– بۇل ورايدا بۇگىنگى كۇنى وبلىستا جاستار جىلىنا ارنالعان «جەتىسۋ جاستارىنىڭ جارقىن ىستەرى» جۇمىس جوسپارى دايىندالىپ، بەكىتىلدى. العاشقى كەزدەسۋدە سىزدەرمەن تالقىلاعان ۇسىنىستاردىڭ جۇزەگە اسىرىلۋى ءجىتى باقىلاۋعا الىنعان، ول باعىتتا ناقتى جۇمىستار جۇرگىزىلە باستادى. اتاپ ايتقاندا، وبلىستىڭ ءاربىر اۋدان، قالاسىندا جاستارعا قىزمەت كورسەتۋ ورتالىقتارى سالىنادى، تالدىقورعانداعى جقو بازاسىندا ءىت-ستارتاپ تەحنورپاركى قۇرىلادى. اۋىل شارۋاشىلىعىمەن اينالىسۋلارى ءۇشىن جاستار رەسرۋستارى ورتالىقتارىنا 10 گەكتاردان جەر بەرىلەتىن بولىپ شەشىلگەن بولاتىن. سول سياقتى جاس وتباسىلار اراسىندا اجىراسۋدى ازايتۋ ماقساتىندا پسيحولوگ شتاتتارىن ءبولۋ دە قاراستىرىلادى. وعان قوسا بۇگىنگى كەزدەسۋدە دە ءبىرقاتار ۇسىنىستار ايتىلدى. مەن ونىڭ ءبارىن قاعازعا ءتۇرتىپ، ويىما ءتۇيىپ قويدىم. قاي كەزدە دە جاستاردان جاقسى يدەيا تۋىنداپ، ىزگى باستامالار جاسالسا، ءبىز قولداۋعا ءارقاشان دايىنبىز، – دەدى ا. باتالوۆ.
الماتى وبلىسى اكىمىنىڭ باسپا ءسوز قىزمەتى.
