ءىس-شاراعا ايماقتاعى ساياسي كەڭەستىڭ مۇشەلەرى، بارلىق دەڭگەيدەگى ءماسليحات دەپۋتاتتارى، قوعامدىق كەڭەستەردىڭ مۇشەلەرى، باستاۋىش پارتيا ۇيىمدارى مەن «جاستار رۋحى» جاستار قاناتىنىڭ وكىلدەرى قاتىستى.
دەلەگاتتار پارتيانىڭ اۋداندىق جانە وبلىستىق فيليالدارىنداعى ساياسي كەڭەستەردىڭ جاڭا قۇرامىن بەكىتتى. وسىلايشا، 1 قالالىق جانە 10 اۋداندىق فيليالدارداعى ساياسي كەڭەستەردىڭ قۇرامىنا 82 ادام كىردى. بيىل اتالعان كەڭەستەردىڭ قۇرامى 63%-عا جاڭاردى. ونىڭ 16%-ى – جاستار، 34%-ى – ايەلدەر.
ءوز كەزەگىندە، «AMANAT»-تىڭ شىعىس قازاقستان وبلىستىق فيليالىنىڭ ءتوراعاسى سايرانگۇل ءجۇمادىلوۆا پارتيالىق جوبالاردىڭ جۇزەگە اسىرىلۋ بارىسىنا توقتالدى. كەيىنگى ەكى جىلدا «ارداگەرلەردى ارداقتايىق»، «كەدەرگىسىز كەلەشەك»، «باقىتتى وتباسى» جانە «جاستار وتانعا» جوبالارى اياسىندا 70 مىڭنان استام ادامدى قامتي وتىرىپ، 1150-دەن استام ءىس-شارا وتكىزىلدى.
– بىلتىر وبلىستىق كوميسسيا «جەر اماناتى» جوباسى اياسىندا 100 مىڭ گەكتاردان استام پايدالانىلماي جاتقان جەردى مەملەكەت مەنشىگىنە قايتارسا، جىل باسىنان بەرى تاعى 61،3 مىڭ گەكتار جەردى قايتارىپ الدى. بيىل ۇلان اۋدانى گاگارينو اۋىلى مەن التاي اۋدانى سيەۆەرنوە اۋىلى تۇرعىندارىنىڭ ءوتىنىشى بويىنشا پارتيانىڭ ارالاسۋىمەن جايىلىمدىق جانە شابىندىق جەرلەردى قايتارۋ ماسەلەسى وڭ شەشىمىن تاپتى، – دەدى ول.
ال شىعىس قازاقستان وبلىسىنىڭ ءماسليحاتىنداعى «AMANAT» دەپۋتاتتارىنىڭ اتقارىپ جاتقان جۇمىسى جونىندە پارتيانىڭ دەپۋتاتتىق فراكسياسىنىڭ جەتەكشىسى تۇراربەك ازەكەنوۆ باياندادى. حالىق قالاۋلىلارى ازاماتتاردى قابىلداپ، پارتياداعى قوعامدىق كەڭەستەردىڭ جۇمىسىنا قاتىسادى جانە «AMANAT»-تىڭ وڭىرلىك سايلاۋالدى باعدارلاماسىنىڭ جۇزەگە اسىرىلۋىن قاداعالايدى.
– 2027 جىلعا دەيىن 6،8 مىڭ وقۋشىعا ارنالعان 17 مەكتەپ سالۋ جوسپارلانۋدا. بۇگىندە وسكەمەن قالاسىندا 600 ورىندىق، زايسان قالاسىندا 300 ورىندىق، شەمونايحا قالاسىندا 300 ورىندىق جانە شەڭگەلدى اۋىلىندا 100 ورىندىق مەكتەپ قۇرىلىسى جۇرگىزىلىپ جاتىر. دەپۋتاتتىق باقىلاۋدىڭ ناتيجەسىندە «ومبى-مايقاپشاعاي» جولى جوندەلدى، – دەدى ول.
جالپى، 2021-2022 جىلدار ارالىعىندا وڭىردە 4 مەكتەپ پايدالانۋعا بەرىلىپ، مۇراجاي-ارحەولوگيالىق كەشەن، 2 اۋىلدىق كلۋب، 5 سپورت نىسانى سالىندى. سونىمەن قاتار، الەۋمەتتىك سالاداعى 69 نىسان جوندەلىپ، 600 مىڭ شارشى مەتر تۇرعىن ءۇي پايدالانۋعا بەرىلدى.
وسى كۇنى «AMANAT» پارتياسىنىڭ اتقارۋشى حاتشىسى داۋلەت كارىبەك وڭىردەگى بەلسەندى جاستارمەن، جاس سپورتشىلارمەن كەزدەستى. بالالار مەن ەرەسەكتەردى سالاۋاتتى ءومىر سالتىن ۇستانۋعا باۋلۋ ماقساتىندا «AMANAT»-تىڭ وڭىرلىك سايلاۋالدى باعدارلاماسى اياسىندا 13 سپورت نىسانىن، ونىڭ ىشىندە 3 GYM ورتالىعىن، 3 سپورت ءمودۋلىن جانە 6 دەنە شىنىقتىرۋ-ساۋىقتىرۋ كەشەنىن سالۋ كوزدەلدى. سونىمەن قاتار، 100 مىڭنان استام بالا سپورت سەكسيالارى مەن شىعارماشىلىق ۇيىرمەلەرگە تەگىن قاتىسا الادى.
اتقارۋشى حاتشى باستاۋىش پارتيا ۇيىمدارىنىڭ توراعالارىمەن اڭگىمەلەسىپ، بپۇ ساياسي بەلسەندىلىكتىڭ وزەگى ءارى قوزعاۋشى كۇشى سانالاتىنىن اتاپ ءوتتى.
– بۇگىندە «AMANAT»-تىڭ 800 مىڭنان استام مۇشەسى 4 مىڭ باستاۋىش پارتيا ۇيىمىنا بىرىكتىرىلگەن. شىن مانىندە، ولار – ساياسي ۇيىمىمىزدىڭ نەگىزى. ءدال سول ورتادا ازاماتتار پارتيا قاتارىنا قابىلدانادى جانە قوعامدا پارتيانىڭ قۇندىلىقتارىن ىلگەرىلەتۋگە قابىلەتتى جاڭا كوشباسشىلار قالىپتاسادى. ەكى جىل سايىن قوعام بەلسەندىلەرىن انىقتاپ، ونىڭ ناتيجەسىندە پارتيانىڭ كادرلىق رەزەرۆىن قالىپتاستىرۋدى كۇن تارتىبىنەن تۇسىرمەۋ كەرەكپىز. پارتيالىق ۇيىمداردىڭ ماڭىزدى فۋنكسيالارىنىڭ ءبىرى – جەرگىلىكتى كوشباسشىلاردى قولداۋ. ءبىزدىڭ پارتيا ولار ءۇشىن ءوزىن-وزى دامىتۋعا مۇمكىندىك بەرەتىن الاڭعا اينالۋى شارت، – دەدى داۋلەت كارىبەك.
ايتا كەتەيىك، شىعىس قازاقستان وبلىسىندا 155 باستاۋىش پارتيا ۇيىمىنا بىرىكتىرىلگەن 28 مىڭنان استام «AMANAT» مۇشەسى بار.
