Is-sharaǵa aimaqtaǵy Saiasi keńestiń músheleri, barlyq deńgeidegi máslihat depýtattary, qoǵamdyq keńesterdiń músheleri, bastaýysh partiia uiymdary men «Jastar Rýhy» jastar qanatynyń ókilderi qatysty.
Delegattar partiianyń aýdandyq jáne oblystyq filialdaryndaǵy Saiasi keńesterdiń jańa quramyn bekitti. Osylaisha, 1 qalalyq jáne 10 aýdandyq filialdardaǵy Saiasi keńesterdiń quramyna 82 adam kirdi. Biyl atalǵan keńesterdiń quramy 63%-ǵa jańardy. Onyń 16%-y – jastar, 34%-y – áielder.
Óz kezeginde, «AMANAT»-tyń Shyǵys Qazaqstan oblystyq filialynyń tóraǵasy Sairangúl Jumadilova partiialyq jobalardyń júzege asyrylý barysyna toqtaldy. Keiingi eki jylda «Ardagerlerdi ardaqtaiyq», «Kedergisiz keleshek», «Baqytty otbasy» jáne «Jastar Otanǵa» jobalary aiasynda 70 myńnan astam adamdy qamti otyryp, 1150-den astam is-shara ótkizildi.
– Byltyr oblystyq komissiia «Jer amanaty» jobasy aiasynda 100 myń gektardan astam paidalanylmai jatqan jerdi memleket menshigine qaitarsa, jyl basynan beri taǵy 61,3 myń gektar jerdi qaitaryp aldy. Biyl Ulan aýdany Gagarino aýyly men Altai aýdany Severnoe aýyly turǵyndarynyń ótinishi boiynsha partiianyń aralasýymen jaiylymdyq jáne shabyndyq jerlerdi qaitarý máselesi oń sheshimin tapty, – dedi ol.
Al Shyǵys Qazaqstan oblysynyń máslihatyndaǵy «AMANAT» depýtattarynyń atqaryp jatqan jumysy jóninde partiianyń depýtattyq fraktsiiasynyń jetekshisi Turarbek Ázekenov baiandady. Halyq qalaýlylary azamattardy qabyldap, partiiadaǵy qoǵamdyq keńesterdiń jumysyna qatysady jáne «AMANAT»-tyń óńirlik sailaýaldy baǵdarlamasynyń júzege asyrylýyn qadaǵalaidy.
Jalpy, 2021-2022 jyldar aralyǵynda óńirde 4 mektep paidalanýǵa berilip, murajai-arheologiialyq keshen, 2 aýyldyq klýb, 5 sport nysany salyndy. Sonymen qatar, áleýmettik saladaǵy 69 nysan jóndelip, 600 myń sharshy metr turǵyn úi paidalanýǵa berildi.
Osy kúni «AMANAT» partiiasynyń Atqarýshy hatshysy Dáýlet Káribek óńirdegi belsendi jastarmen, jas sportshylarmen kezdesti. Balalar men eresekterdi salaýatty ómir saltyn ustanýǵa baýlý maqsatynda «AMANAT»-tyń óńirlik sailaýaldy baǵdarlamasy aiasynda 13 sport nysanyn, onyń ishinde 3 GYM ortalyǵyn, 3 sport modýlin jáne 6 dene shynyqtyrý-saýyqtyrý keshenin salý kózdeldi. Sonymen qatar, 100 myńnan astam bala sport sektsiialary men shyǵarmashylyq úiirmelerge tegin qatysa alady.
Atqarýshy hatshy bastaýysh partiia uiymdarynyń tóraǵalarymen áńgimelesip, BPU saiasi belsendiliktiń ózegi ári qozǵaýshy kúshi sanalatynyn atap ótti.
– Búginde «AMANAT»-tyń 800 myńnan astam múshesi 4 myń bastaýysh partiia uiymyna biriktirilgen. Shyn máninde, olar – saiasi uiymymyzdyń negizi. Dál sol ortada azamattar partiia qataryna qabyldanady jáne qoǵamda partiianyń qundylyqtaryn ilgeriletýge qabiletti jańa kóshbasshylar qalyptasady. Eki jyl saiyn qoǵam belsendilerin anyqtap, onyń nátijesinde partiianyń kadrlyq rezervin qalyptastyrýdy kún tártibinen túsirmeý kerekpiz. Partiialyq uiymdardyń mańyzdy fýnktsiialarynyń biri – jergilikti kóshbasshylardy qoldaý. Bizdiń partiia olar úshin ózin-ózi damytýǵa múmkindik beretin alańǵa ainalýy shart, – dedi Dáýlet Káribek.
Aita keteiik, Shyǵys Qazaqstan oblysynda 155 bastaýysh partiia uiymyna biriktirilgen 28 myńnan astam «AMANAT» múshesi bar.
