ۇمىتكەر بيجان قالماعانبەتوۆ پارتيا باعدارلاماسىندا كورسەتىلگەن مادەنيەت سالاسىنا قاتىستى الداعى بەس جىلدا اتقارىلاتىن جۇمىستارعا توقتالىپ ءوتتى.
— بۇگىندە وبلىستاعى ءۇش ءىرى اۋىلدا مادەنيەت ءۇيى مەن اۋىلدىق كلۋب جوق. سونىمەن قاتار 10 مادەنيەت نىسانى جوندەۋدى قاجەت ەتىپ تۇر. مادەني مۇرامىزدى ساقتاۋ، رۋحاني-مادەني دامۋعا جاعداي جاساۋ، جاستارىمىزدىڭ بوس ۋاقىتتارىن ءتيىمدى وتكىزۋى ءۇشىن وسى ماسەلەلەردى شەشۋىمىز كەرەك. وسى ورايدا «اماNات» پارتياسى الداعى جىلدارى وبلىس بويىنشا كەمىندە 25 نىسانعا كۇردەلى جانە اعىمداعى جوندەۋ جاساۋدى، 30 مىڭ مادەني ءىس-شارا ۇيىمداستىرۋدى جوسپارلاپ وتىر. جالپى بەس جىل ىشىندە وڭىرىمىزدە مادەنيەت نىساندارىنىڭ ينفراقۇرىلىمىن جاڭارتۋعا، ۇلتتىق قۇندىلىقتاردى ناسيحاتتاۋعا زور كوڭىل بولىنەدى، — دەي كەلە بيجان قالماعانبەتوۆ جيناعانداردى الداعى ساياسي ناۋقانعا بەلسەندى تۇردە قاتىسۋعا شاقىردى.
ايتا كەتۋ كەرەك، بۇگىندە وبلىستا 197 مادەنيەت وشاعى، 236 كىتاپحانا، 21 مۇراجاي، 12 مۇراعات، 5 وبلىستىق مادەنيەت ۇيىمى بار.
جيىن بارىسىندا وبلىستىق شتاب باسشىسى ەربول داناعۇلوۆ وڭىردە ۇگىت-ناسيحات جۇمىستارى قارقىندى جۇرگىزىلىپ جاتقانىن اتاپ ءوتتى. بارلىعى 2735 ءىس-شارا ۇيىمداستىرىلادى.
وبلىستىق سايلاۋالدى شتابتىڭ قۇرامىندا پارتيا مۇشەلەرى جانە قوعام قايراتكەرلەرى بار. وبلىستا 567 سايلاۋ ۋچاسكەسى جۇمىس ىستەيدى، ولارعا ءاربىر سايلاۋشى ءتىزىمدى ناقتىلاۋ ءۇشىن ءوتىنىش بەرە الادى.
–– پارتيا باقىلاۋىندا الەۋمەتتىك نىسانداردىڭ قۇرىلىسى دا بار. ماسەلەن، الداعى بەس جىل ىشىندە وبلىستا 4،2 ميلليون شارشى مەتر تۇرعىن ءۇي سالىنادى، 42 دەنساۋلىق ساقتاۋ نىسانى جانە 40 جاڭا مەكتەپ بوي كوتەرەدى. كەم دەگەندە 75 شاقىرىم جول جوندەلەدى. سونداي-اق وڭىردەگى ەكولوگيالىق جاعدايدى جاقسارتۋ ءۇشىن شەشۋدى قاجەت ەتەتىن ماسەلەلەر دە كوپ. بارلىق ماسەلەلەردىڭ شەشىلۋى پارتيا جانە قوعامدىق باقىلاۋ جاعىنان قامتاماسىز ەتىلەدى، — دەدى ەربول داناعۇلوۆ.
سونداي-اق، دەپۋتاتتىققا ۇمىتكەر سەرگەي ۆيشنياك پارتيانىڭ سايلاۋالدى باعدارلاماسىنداعى حالىقتىڭ ءال-اۋقاتىن ارتتىرۋعا باعىتتالعان تاپسىرمالاردى ورىنداۋدىڭ ماڭىزدىلىعىنا توقتالىپ، كومپانيا قىزمەتكەرلەرىن 19 ناۋرىزدا سايلاۋعا بەلسەندى تۇردە قاتىسۋعا شاقىردى.
اقتوبە وبلىستىق ءماسليحاتى دەپۋتاتتارىنىڭ سايلاۋىندا پارتيالىق ءتىزىمدى ۇسىنعان «AMANAT» پارتياسى سايلاۋ قورىنىڭ قاراجاتىنان تولەندى.
