Úmitker Bijan Qalmaǵanbetov partiia baǵdarlamasynda kórsetilgen mádeniet salasyna qatysty aldaǵy bes jylda atqarylatyn jumystarǵa toqtalyp ótti.
— Búginde oblystaǵy úsh iri aýylda mádeniet úii men aýyldyq klýb joq. Sonymen qatar 10 mádeniet nysany jóndeýdi qajet etip tur. Mádeni muramyzdy saqtaý, rýhani-mádeni damýǵa jaǵdai jasaý, jastarymyzdyń bos ýaqyttaryn tiimdi ótkizýi úshin osy máselelerdi sheshýimiz kerek. Osy oraida «AMANAT» partiiasy aldaǵy jyldary oblys boiynsha keminde 25 nysanǵa kúrdeli jáne aǵymdaǵy jóndeý jasaýdy, 30 myń mádeni is-shara uiymdastyrýdy josparlap otyr. Jalpy bes jyl ishinde óńirimizde mádeniet nysandarynyń infraqurylymyn jańartýǵa, ulttyq qundylyqtardy nasihattaýǵa zor kóńil bólinedi, — dei kele Bijan Qalmaǵanbetov jinaǵandardy aldaǵy saiasi naýqanǵa belsendi túrde qatysýǵa shaqyrdy.
Aita ketý kerek, búginde oblysta 197 mádeniet oshaǵy, 236 kitaphana, 21 murajai, 12 muraǵat, 5 oblystyq mádeniet uiymy bar.
Jiyn barysynda oblystyq shtab basshysy Erbol Danaǵulov óńirde úgit-nasihat jumystary qarqyndy júrgizilip jatqanyn atap ótti. Barlyǵy 2735 is-shara uiymdastyrylady.
Oblystyq sailaýaldy shtabtyń quramynda partiia músheleri jáne qoǵam qairatkerleri bar. Oblysta 567 sailaý ýchaskesi jumys isteidi, olarǵa árbir sailaýshy tizimdi naqtylaý úshin ótinish bere alady.
–– Partiia baqylaýynda áleýmettik nysandardyń qurylysy da bar. Máselen, aldaǵy bes jyl ishinde oblysta 4,2 million sharshy metr turǵyn úi salynady, 42 densaýlyq saqtaý nysany jáne 40 jańa mektep boi kóteredi. Kem degende 75 shaqyrym jol jóndeledi. Sondai-aq óńirdegi ekologiialyq jaǵdaidy jaqsartý úshin sheshýdi qajet etetin máseleler de kóp. Barlyq máselelerdiń sheshilýi partiia jáne qoǵamdyq baqylaý jaǵynan qamtamasyz etiledi, — dedi Erbol Danaǵulov.
Sondai-aq, depýtattyqqa úmitker Sergei Vishniak partiianyń sailaýaldy baǵdarlamasyndaǵy halyqtyń ál-aýqatyn arttyrýǵa baǵyttalǵan tapsyrmalardy oryndaýdyń mańyzdylyǵyna toqtalyp, kompaniia qyzmetkerlerin 19 naýryzda sailaýǵa belsendi túrde qatysýǵa shaqyrdy.
Aqtóbe oblystyq máslihaty depýtattarynyń sailaýynda partiialyq tizimdi usynǵan «AMANAT» partiiasy sailaý qorynyń qarajatynan tólendi.
