مۇنداعى ماقسات – الداعى ساياسي ناۋقاننىڭ ماڭىزىن ءتۇسىندىرۋ، «AMANAT» پارتياسىنىڭ سايلاۋالدى باعدارلاماسىن ناسيحاتتاۋ. ءۇي-ۇيدى ارالاعان كانديدات حالىققا بۇل ساياسي ناۋقاننىڭ ەلىمىز ءۇشىن ماڭىزدى ەكەنىن جەتكىزدى. ۇمىتكەردىڭ سوزىنە سۇيەنسەك، پارتيانىڭ الداعى 5 جىلعا جوسپارىندا ءوڭىر حالقىنىڭ ءال-اۋقاتىن ارتتىرۋعا كۇش سالىنادى.
ول ءۇشىن ينۆەستورلار تارتىلىپ، ءوندىرىس ورىندارى كوبەيتىلەدى. 2027 جىلدىڭ سوڭىنا دەيىن 175 مىڭ جاڭا جۇمىس ورنى قۇرىلادى. مۇنىمەن قوسا، اۋىل تۇرعىندارىنا قولايلى ءومىر ءسۇرۋ ءۇشىن جاعداي جاسالادى. شالعاي جاتقان ەلدى مەكەندەگى 15 مىڭ ادامنىڭ ەكى قولعا ءبىر كۇرەك تابۋىنا جاردەمدەسپەك.
«ورتاشا جالاقى كولەمى شامامەن 400 مىڭعا دەيىن كوبەيتۋگە اتسالىسامىز. باسپاناسىز جاندارعا قونىس تويىن تويلاۋعا كومەكتەسەمىز. الداعى 5 جىلدا ناقتى شارالاردىڭ ناتيجەسىندە 5،8 مىڭ وتباسى باسپانالى بولادى. ءبىز اسىرەسە قوعامداعى الەۋمەتتىك وسال توپ مۇشەلەرىنە جاعداي جاساۋعا كۇش سالامىز. بۇل تۇرعىدا 920 جانۇياعا ءۇيدىڭ كىلتى تابىستالادى. سونىمەن قاتار، 550 كوپبالالى وتباسى قامتىلادى»، − دەدى تۇرعىندارمەن كەزدەسكەن دارحان سۋرتايەۆ.
مۇنىمەن قوسا، دارحان سۋرتايەۆ وڭىردەگى ينفراقۇرىلىم، اۋىلشارۋاشىلىعى، ءبىلىم، تۋريزم، مەديسينا سالاسىنداعى قوردالانعان پروبلەمالاردى شەشۋگە اتسالىساتىنىن جەتكىزدى. وسى ورايدا، پارتيانىڭ الداعى جۇمىسى اتالعان ماسەلەلەر توڭىرەگىندە ىسكە اسادى.
«ەسىكتەن ەسىككە» اكسياسى اياسىندا ىلەلىكتەر پارتيانىڭ الداعى بەس جىلدا اتقاراتىن ماقسات-مىندەتتەرىمەن تانىسىپ، ساياسي قۇرىلىمنىڭ باستامالارىنا وڭ كوزقاراس تانىتتى. باستىسى، جۇيەلى ناتيجە بەرەتىن جوسپارلاردى جۇزەگە اسىرۋعا نيەتتى جانداردىڭ جانىنان تابىلۋعا تۇرعىندار ءاردايىن دايىن ەكەنىن جەتكىزدى.
الماتى وبلىستىق ءماسليحاتى دەپۋتاتتارىنىڭ سايلاۋىندا پارتيالىق ءتىزىمدى ۇسىنعان «AMANAT» پارتياسى سايلاۋ قورىنىڭ قاراجاتىنان تولەندى
