Mundaǵy maqsat – aldaǵy saiasi naýqannyń mańyzyn túsindirý, «AMANAT» partiiasynyń sailaýaldy baǵdarlamasyn nasihattaý. Úi-úidi aralaǵan kandidat halyqqa bul saiasi naýqannyń elimiz úshin mańyzdy ekenin jetkizdi. Úmitkerdiń sózine súiensek, partiianyń aldaǵy 5 jylǵa josparynda óńir halqynyń ál-aýqatyn arttyrýǵa kúsh salynady.
Ol úshin investorlar tartylyp, óndiris oryndary kóbeitiledi. 2027 jyldyń sońyna deiin 175 myń jańa jumys orny qurylady. Munymen qosa, aýyl turǵyndaryna qolaily ómir súrý úshin jaǵdai jasalady. Shalǵai jatqan eldi mekendegi 15 myń adamnyń eki qolǵa bir kúrek tabýyna járdemdespek.
«Ortasha jalaqy kólemi shamamen 400 myńǵa deiin kóbeitýge atsalysamyz. Baspanasyz jandarǵa qonys toiyn toilaýǵa kómektesemiz. Aldaǵy 5 jylda naqty sharalardyń nátijesinde 5,8 myń otbasy baspanaly bolady. Biz ásirese qoǵamdaǵy áleýmettik osal top múshelerine jaǵdai jasaýǵa kúsh salamyz. Bul turǵyda 920 januiaǵa úidiń kilti tabystalady. Sonymen qatar, 550 kópbalaly otbasy qamtylady», − dedi turǵyndarmen kezdesken Darhan Sýrtaev.
«Esikten esikke» aktsiiasy aiasynda ilelikter partiianyń aldaǵy bes jylda atqaratyn maqsat-mindetterimen tanysyp, saiasi qurylymnyń bastamalaryna oń kózqaras tanytty. Bastysy, júieli nátije beretin josparlardy júzege asyrýǵa nietti jandardyń janynan tabylýǵa turǵyndar árdaiyn daiyn ekenin jetkizdi.
Almaty oblystyq máslihaty depýtattarynyń sailaýynda partiialyq tizimdi usynǵan «AMANAT» partiiasy Sailaý qorynyń qarajatynan tólendi
