اقتٶبەدە ەلييا مولداعۇلوۆانىڭ 100 جىلدىعىنا ارنالعان «عاسىرلارعا جالعاسقان ەرلٸك» فورۋمى ٶتتٸ,- دەپ حابارلايدى Dalanews.kz
فورۋمعا قاتىسۋ ٷشٸن رەسەيدەن جەنە قازاقستاننىڭ ەرتٷرلٸ ٶڭٸرلەرٸنەن دەلەگاتسييالار كەلدٸ. بۇل شارا مەرەيتويلىق جىلدىڭ ەڭ ماڭىزدى وقيعالارىنىڭ بٸرٸ رەتٸندە اتاپ ٶتٸلدٸ.
فورۋمنىڭ ماقساتى — باتىرلىقتىڭ, وتانعا دەگەن سٷيٸسپەنشٸلٸك پەن پاتريوتيزمنٸڭ سيمۆولىنا اينالعان مەرگەن قىزدىڭ رۋحىنا تاعزىم ەتۋ. شاراعا مەملەكەتتٸك جەنە قوعام قايراتكەرلەرٸ, قازاقستان رەسپۋبليكاسى پارلامەنتٸنٸڭ سەناتى مەن مەجٸلٸسٸنٸڭ دەپۋتاتتارى, مەدەنيەت جەنە عىلىم سالاسىنىڭ ٶكٸلدەرٸ, سونداي-اق باتىردىڭ تۋىستارى قاتىستى.
قازاقستان رەسپۋبليكاسى پرەزيدەنتٸنٸڭ كەڭەسشٸسٸ مەلٸك وتارباەۆ مەملەكەت باسشىسى اتىنان فورۋمعا قاتىسۋشىلار مەن اقتٶبەلٸكتەردٸ وسى ماڭىزدى تاريحي وقيعامەن قۇتتىقتادى.
«ەلييا مولداعۇلوۆا – بٷكٸل قازاق حالقىنىڭ ماقتانىشى, قايسار رۋح پەن جانقييارلىقتىڭ سيمۆولى. بٷگٸنگٸ فورۋم – تاريحي جادىمىزدى ساقتاۋ مەن جاس ۇرپاقتى پاتريوتتىق رۋحتا تەربيەلەۋ جولىنداعى ورتاق جاۋاپكەرشٸلٸگٸمٸزدٸڭ كٶرٸنٸسٸ. فورۋمدى ۇيىمداستىرعان بارشا ازاماتتارعا, ەلييا مولداعۇلوۆانىڭ ەرلٸگٸن ۇرپاق جادىندا مەڭگٸ قالدىرۋعا اتسالىسىپ جٷرگەن جاندارعا شىنايى العىسىمدى بٸلدٸرەمٸن. سٸزدەر جاستاردى وتانعا دەگەن سٷيٸسپەنشٸلٸككە, ۇلتتىق قۇندىلىقتارعا ادالدىققا باۋلىپ كەلەسٸزدەر», – دەدٸ پرەزيدەنت كەڭەسشٸسٸ.
شاراعا قاتىسۋشىلاردى اقتٶبە وبلىسىنىڭ ەكٸمٸ اسحات شاحاروۆ تا قۇتتىقتاپ, باتىر ەسٸمٸن ۇلىقتاۋ باعىتىندا ٶڭٸردە جٷزەگە اسىپ جاتقان جۇمىستار تۋرالى ايتىپ ٶتتٸ. اتاپ ايتقاندا, اقتٶبە قالاسىندا جاڭا مەدەنيەت ورتالىعى مەن مەموريالدىق مۋزەي سالىنىپ جاتىر, سونداي-اق ەلييا اۋىلىندا ينفراقۇرىلىم دامىپ كەلەدٸ.
اسحات شاحاروۆ ٶز سٶزٸندە پەداگوگ ەرٸ قوعام قايراتكەرٸ, ەلييانىڭ ەرلٸگٸن زەرتتەۋگە جەنە جاستارعا رۋحاني-ادامگەرشٸلٸك تەربيە بەرۋگە ٶمٸرٸن ارناعان عالىمجان بايدەربەستٸڭ ەڭبەگٸن ەرەكشە اتاپ ٶتتٸ.
فورۋم بارىسىندا ەلييا مولداعۇلوۆانىڭ ەرلٸگٸنە, تاريحي جادىنى ساقتاۋ جولىنداعى زەرتتەۋشٸلەر مەن قوعام بەلسەندٸلەرٸنٸڭ ٷلەسٸنە, سونداي-اق مۋزەيلٸك جەنە مەدەني جوبالاردىڭ پاتريوتتىق تەربيەدەگٸ رٶلٸنە ارنالعان مازمۇندى باياندامالار تىڭدالدى. سٶز العاندار قاتارىندا – عىلىم ٶكٸلدەرٸ, مۋزەي قىزمەتكەرلەرٸ, باتىردىڭ تۋىستارى مەن ارنايى شاقىرىلعان قوناقتار بولدى.
ياروسلاۆل وبلىسىنداعى «ۆياتيچ» پاتريوتتىق ورتالىعىنىڭ جەتەكشٸسٸ ليۋبوۆ ابراموۆا ۆياتسكوە اۋىلىندا باتىر قىزدىڭ رۋحىنا دەگەن قۇرمەت ەرەكشە ەكەنٸن ايتىپ ٶتتٸ. 1942 جىلى ەلييا مولداعۇلوۆا لەنينگراد قورشاۋىنان ەۆاكۋاتسييالانعان بالالارمەن بٸرگە ۆياتسكوە اۋىلىنا جەتكٸزٸلگەن ەدٸ.
«بٸز ياروسلاۆل وبلىسى ۆياتسكوە اۋىلىنان كەلدٸك. ٶڭٸرلەرٸمٸزدٸ ەكٸ مىڭ شاقىرىمداي قاشىقتىق بٶلگەنٸمەن, ەلييا مولداعۇلوۆانىڭ ەسٸمٸ بٸزدٸ بەرٸك بايلانىستىرىپ تۇر. ياروسلاۆل جەرٸندە ونىڭ ەسٸمٸ زور قۇرمەتپەن اتالادى: باتىرلىق مەموريالىندا ەسٸمٸ قاشالىپ جازىلعان, اۋىل مەكتەبٸندە قۇجاتتار مەن فوتوسۋرەتتەر قويىلعان ارنايى مۋزەي اشىلعان. 1942 جىلى ەلييا بٸزدٸڭ مەكتەبٸمٸزدە 7-سىنىپتا وقىدى, سوندىقتان بٸز ونى زور ماقتانىشپەن ٶزٸمٸزدٸڭ تٷلەك دەپ اتايمىز. ۆياتسكوە اۋىلىنا كەلگەن ەربٸر تۋريست ەلييانىڭ ەرلٸگٸ جايلى بٸلەدٸ. ونىڭ بەينەسٸ اۋىلىمىزدىڭ مەدەني-تاريحي ٶمٸرٸنٸڭ اجىراماس بٶلشەگٸنە اينالدى», – دەدٸ ليۋبوۆ ابراموۆا.
شارا سوڭىندا حالىق ماحابباتى مەن العىسىنا بٶلەنگەن, 50 جىلدىق تاريحى بار «ەلييا» ەنٸ شىرقالدى. ەندٸ ساحنادا ەنشٸ مەرەي سامۇرات تەبٸرەنە ورىنداپ, كٶرەرمەندەردٸڭ زور قوشەمەتٸن يەلەندٸ.
فورۋم – ۇرپاقتار ساباقتاستىعىنىڭ, تەجٸريبە الماسۋدىڭ جەنە ەلييا مولداعۇلوۆانىڭ ەرلٸگٸن ۇلتتىق تاريح پەن ماقتانىشتىڭ اجىراماس بٶلٸگٸ رەتٸندە دەرٸپتەۋدٸڭ ماڭىزدى الاڭىنا اينالدى.
