ٶز جۇبايىن ٶلتٸرگەنٸ ٷشٸن سوتتالعان بۇرىنعى مينيستر قۋاندىق بيشٸمباەۆ اليمەنت تٶلەمدەرٸن ازايتۋ ٷشٸن ٶزٸنە تيەسٸلٸ مٷلٸكتٸ ٷشٸنشٸ تۇلعالاردىڭ اتىنا جازىپ بەرگەن. بۇل قادام ونىڭ ٷش بالاسىنا تٶلەنەتٸن اليمەنت مٶلشەرٸن تٶمەندەتۋگە باعىتتالعان ەدٸ. الايدا بۇل ەرەكەتٸ ٶزٸنە قارسى جۇمىس ٸستەپ, سوتتىڭ نازارىنان تىس قالمادى, دەپ حابارلايدى Dalanews.kz.
نازىم قاھارماننىڭ مٷددەسٸن قورعاپ جٷرگەن ادۆوكات بيبٸنۇر مۇراتوۆانىڭ ايتۋىنشا, بۇل جاعداي 2020 جىلى باستالعان. سول جىلى بيشٸمباەۆ پەن ونىڭ بۇرىنعى جۇبايى ٷش ورتاق بالاسىنا اليمەنت تٶلەۋ تۋرالى كەلٸسٸمگە كەلگەن.
الايدا ارادا بٸرنەشە جىل ٶتكەن سوڭ, بۇرىنعى مينيستر كەنەتتەن سوتقا جٷگٸنٸپ, ٶزٸنٸڭ قارجىلىق جاعدايى ٶزگەرگەنٸن ايتىپ, اليمەنت مٶلشەرٸن ازايتۋدى سۇراعان.
“زاڭناما بويىنشا, ماتەريالدىق جاعدايدىڭ ٶزگەرۋٸ اليمەنت كٶلەمٸن قايتا قاراۋعا نەگٸز بولا الادى. بٸراق بۇل – مٸندەتتٸ تٷردە ٶزگەرتۋ كەرەك دەگەن سٶز ەمەس. سوت بارىسىندا بيشٸمباەۆتىڭ ەلٸ دە مٷلكٸ بارى انىقتالدى. ول قىلمىستىق ٸس قارالىپ جاتقاندا بۇل مٷلٸكتەردٸ باسقا ادامداردىڭ اتىنا سىيعا تارتۋ شارتىمەن رەسٸمدەگەن”, – دەدٸ ادۆوكات مۇراتوۆا.
ياعني, بيشٸمباەۆ قاعاز جٷزٸندە «كەدەيلەنٸپ», بالالارى الدىنداعى مٸندەتتەمەلەردەن جالتارۋعا تىرىسقان. بٸراق بۇل قۋلىعى سوتقا جٷرمەدٸ.
“ول ٶز ٶتٸنٸشٸندە اليمەنت مٶلشەرٸن بٸرنەشە ەسە ازايتۋدى سۇرادى. دەل سومانى جارييالاي المايمىن, بٸراق ٶتٸنٸشٸ تىم ٷلكەن جەڭٸلدٸككە باعىتتالعان بولاتىن”, – دەپ تٷسٸندٸردٸ ادۆوكات.
سوت بيشٸمباەۆتىڭ ەرەكەتٸن ٶز بالالارىنان اليمەنتتٸك جاۋاپكەرشٸلٸكتەن جالتارۋ ەرەكەتٸ دەپ تانىپ, تالاپ-ارىزىن قاناعاتتاندىرمادى. ەندٸ بۇرىنعى مينيستر بارلىق ٷش بالاسى كەمەلەت جاسقا تولعانعا دەيٸن تولىق كٶلەمدە اليمەنت تٶلەۋدٸ جالعاستىرادى.
ەسكە سالايىق, بۇعان دەيٸن قۋاندىق بيشٸمباەۆتىڭ بۇرىنعى جۇبايى نازىم قاھارمان ونى اتا-انا قۇقىعىنان ايىرۋدى تالاپ ەتٸپ, جوعارعى سوتقا جٷگٸندٸ.
اتالعان ارىز بويىنشا جوعارعى سوت ەزٸرگە شەشٸم شىعارعان جوق.
سونىمەن قاتار سەۋٸر ايىندا بيشٸمباەۆ اليمەنت تٶلەۋدەن باس تارتقىسى كەلگەنٸ بەلگٸلٸ بولدى. ول تابىس كٶزٸ جوق ەكەنٸن العا تارتىپ, اليمەنت تۋرالى بۇرىن جاسالعان كەلٸسٸمدٸ بۇزۋعا نيەتتٸ.
"بيشٸمباەۆتار تاراپىنان اليمەنت تٶلەمٸن ازايتۋ ماقساتىندا كەلٸسٸمدٸ قايتا قاراۋ تۋرالى ٶتٸنٸش تٷستٸ. اقشا جوق دەگەن ۋەج ايتتى. قازٸر ٸس قارالىپ جاتىر. ەرينە, بٸز مۇنىمەن كەلٸسپەيمٸز", – دەدٸ نازىم قاھارمان.
ەسكە سالايىق, بۇعان دەيٸن قۋاندىق بيشٸمباەۆتىڭ بۇرىنعى ەيەلٸ نازىم قاحارمان بيشٸمباەۆتىڭ وتباسى بالالارعا اليمەنت تٶلەۋدەن باس تارتقانىن جەتكٸزگەن ەدٸ. اقپاراتتى Tengrinews.kz جازدى.
ونىڭ سٶزٸنشە, اليمەنت ٷنەمٸ كەشٸكتٸرٸلٸپ تٶلەنگەن, ال اليمەنت تۋرالى كەلٸسٸمدە قاراستىرىلعان كەيبٸر شىعىن مٷلدەم ٶتەلمەگەن.
"بىلتىر دەمالىس ٷشٸن ەشقانداي اقشا تٶلەنبەدٸ. پسيحولوگتىڭ قىزمەتتەرٸ ٷشٸن دە اقى تٶلەنبەدٸ, بٸراق بٸز وعان بٸرنەشە رەت جٷگٸندٸك. مەن تٶلەگەن بارلىق سومانى عازىمجانوۆ مىرزاعا جٸبەردٸم (قۋاندىق بيشٸمباەۆتىڭ ادۆوكاتى - ەسك.), بٸراق ولار مۇنى ەلەمەدٸ. دەنساۋلىق تۋرالى ايتپاي-اق قويايىن, دەرٸگەرگە كٶرٸنگەنٸمٸز, دەرۋمەندەر, دەرٸ-دەرمەكتەر تٶلەنبەدٸ", - دەدٸ ول.
ول 2020 جىلى اجىراسۋ كەزٸندە اليمەنت تۋرالى كەلٸسٸم جاسالعانىن جەتكٸزدٸ. ونىڭ ايتۋىنشا, قۋاندىق بيشٸمباەۆ الدىمەن قارجىلىق جاۋاپكەرشٸلٸكتٸ ٶز موينىنا الۋعا دايىن ەكەنٸنە سەندٸرگەن, بٸراق كەيٸن بۇل تۋرالى ونىڭ ادۆوكاتىنا ٷنەمٸ ەسكە سالىپ وتىرۋعا تۋرا كەلٸپتٸ.
"ناۋرىزدا اليمەنت تٶلەنبەدٸ. ازدى-كٶپتٸ جٷيەلٸ تٷردە تٶلەمدەر بىلتىر قاراشا-جەلتوقساندا عانا تٷسە باستادى", - دەدٸ نازىم قاحارمان.
