"Altyn Bank" اق باسقارما ءتوراعاسى لاۋازىمىنا مۇرات بايسىنوۆ تاعايىندالدى. ول مارات المەنوۆتىڭ ورنىن باستى، دەپ حابارلايدى Dalanews.kz.
مۇرات بايسىنوۆ ەلىمىزدىڭ قارجى سەكتورىندا 30 جىلدان استام جۇمىس تاجىريبەسىنە يە.
2004 جىلعا دەيىن ق ر ۇلتتىق بانكىنىڭ زاڭ دەپارتامەنتىندە جۇمىس ىستەگەن.
2004–2007 جىلدارى – ق ر قارجى نارىعىن رەتتەۋ جانە دامىتۋ اگەنتتىگىنىڭ زاڭ دەپارتامەنتىنىڭ ديرەكتورى بولعان.
2007–2011 جىلدارى – ق ر قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى قىزمەتىن اتقارعان.
2011–2012 جىلدارى – "سامۇرىق-قازىنا" ءۇاق اتىنان ۇلتتىق قارجىلىق ينستيتۋتتاردىڭ ديرەكتورلار كەڭەستەرىندەگى وكىل بولعان.
2012–2013 جىلدارى – "تەمىربانك" اق باسقارما ءتوراعاسى قىزمەتىن اتقارعان.
2014 جىلى – "قازاقستان حالىق بانكى" اق-نىڭ باس زاڭگەرلىك كەڭەسشىسى.
2014 جىلعى قاراشا ايىنان باستاپ "Altyn Bank" اق باسقارما ءتوراعاسىنىڭ ورىنباسارى – باسقارما مۇشەسى قىزمەتىن اتقارىپ كەلەدى.
مەملەكەتتىك جانە قوعامدىق قىزمەتتەگى ەڭبەگى ءۇشىن "قۇرمەت" وردەنىمەن ماراپاتتالعان.
بانك باسقارۋ كومانداسىن كۇشەيتۋ اياسىندا دينارا ارسلان "Altyn Bank" اق باسقارما ءتوراعاسىنىڭ ورىنباسارى لاۋازىمىنا تاعايىندالدى. ونىڭ جاۋاپكەرشىلىك ايماعىنا بولشەك بيزنەس پەن سيفرلىق بانكينگتى دامىتۋ كىرەدى.
"Altyn Bank" اق – كورپوراتيۆتىك جانە بولشەك ساۋدا بويىنشا كليەنتتەرگە ارنالعان ونىمدەر مەن قىزمەتتەردىڭ تولىق سپەكترى بار امبەباپ كوممەرسيالىق بانك. جەكە تۇلعالار Altyn-i سيفرلىق بانكينگى ارقىلى قىزمەت الا الادى. ول اكتيۆتەرى بويىنشا 13-ورىندا جانە قازاقستاندىق كوممەرسيالىق بانكتەر اراسىندا ەڭ جوعارى رەيتينگتەردىڭ بىرىنە (Fitch – "BBB"، Moody's - "Baa3") يە. بانكتىڭ الماتىدا، استانادا، اتىراۋدا، شىمكەنتتە، اقتاۋدا جانە “استانا” حالىقارالىق قارجى ورتالىعىندا (احقو) التى فيليالى بار.
