– ءبىز اۋلالار مەن قوعامدىق كەڭىستىكتەردى اۋقىمدى تۇردە اباتتاندىرۋدى ارى قاراي دا جالعاستىرامىز. مۇنىڭ ءبارى ەلوردا تۇرعىندارى مەن قوناقتارىنىڭ بوس ۋاقىتىن ءتيىمدى وتكىزۋى ءۇشىن عانا ەمەس، سول سياقتى سپورتپەن اينالىسۋىنا كوبىرەك ورىن بولۋى ءۇشىن جاسالىپ جاتىر، – دەدى اكىم.
بۇگىندە اباتتاندىرۋ جۇمىسى قالانىڭ بارلىق اۋدانىندا، سونداي-اق ەلدى مەكەندەردە دە ءجۇرىپ جاتىر. وسىعان بايلانىستى جوسپارعا قالا تۇرعىندارى جۇگىنگەن، اۋلالارى ەسكىرگەن، وسىعان دەيىن بوس جاتقان جوسپارعا ەنىپ جاتىر.
اكىم قالانى ارالاۋ بارىسىندا سەيفۋللين، 9، 9/1، بوگەنباي باتىر، 35، اباي، 63، تارحان، 9، پۋشكين، 1، 3/1، كراۆسوۆ، سەليننىي ش/ا جانە وزگە دە مەكەنجايلاردا ورنالاسقان اۋلالارعا باردى.
– بيىل جۇرگىزىلەتىن جۇمىستاردىڭ كولەمىن ەسكەرسەك، اباتتاندىرىلعان اۋلا اۋماقتارى مەن قوعامدىق كەڭىستىكتەردىڭ (ساياباقتار، گۇلزارلار، جەلەكجولدار) سانى 700-گە جەتەدى. بۇدان باسقا قولدانىستاعى اۋلالارعا دا كوڭىل بولەمىز. قالا تۇرعىندارىن اباتتاندىرىلعان ورىندارعا ۇقىپتى قاراۋعا شاقىرامىن. ويتكەنى اۋلالارداعى بارلىق جاعداي تۇرعىندار ءۇشىن جاسالىنۋدا، – دەدى التاي كولگىنوۆ.
