الماتىدا قالالىق ارداگەرلەر كەڭەسٸ پرەزيديۋمىنىڭ كەڭەيتٸلگەن وتىرىسى ٶتتٸ. جيىنعا پرەزيديۋم مٷشەلەرٸ, اۋداندىق ارداگەرلەر كەڭەستەرٸنٸڭ تٶراعالارى جەنە قالالىق ارداگەرلەر ۇيىمدارىنىڭ بەلسەندٸ ٶكٸلدەرٸ قاتىسىپ, الداعى قۇرىلتاي سايلاۋىنا ارداگەرلەردٸڭ قاتىسۋىن ۇيىمداستىرۋ مەسەلەسٸن تالقىلادى, دەپ حابارلايدى dalanews.kz.
الماتى قالالىق ارداگەرلەر كەڭەسٸنٸڭ تٶراعاسى اقان بيجانوۆ بايانداما جاساپ, كٷن تەرتٸبٸندەگٸ مەسەلەلەرگە توقتالدى. ول قالالىق جەنە اۋداندىق ارداگەرلەر كەڭەستەرٸنٸڭ الداعى كەزەڭدەگٸ نەگٸزگٸ مٸندەتتەرٸ مەن جۇمىس باعىتتارىن ايقىندادى.
«ارداگەرلەر - قوعامداعى بٸرلٸك پەن ساباقتاستىقتىڭ, ەلدٸك قۇندىلىقتار مەن ٶمٸرلٸك تەجٸريبەنٸڭ التىن كٶپٸرٸ. ولار جاس ۇرپاققا باعىت-باعدار بەرٸپ, قوعامدىق كەلٸسٸم مەن تۇراقتىلىقتى نىعايتۋعا ٷلەس قوسىپ كەلەدٸ. سوندىقتان الداعى قۇرىلتاي سايلاۋىندا ارداگەرلەردٸڭ ازاماتتىق بەلسەندٸلٸگٸ ەرەكشە ماڭىزعا يە. بٸز ەربٸر ارداگەردٸ جەنە قالا تۇرعىندارىن سايلاۋعا بەلسەندٸ قاتىسىپ, ٶز تاڭداۋىن جاساۋعا شاقىرامىز. بۇل - ەلٸمٸزدٸڭ بولاشاعىنا دەگەن جاۋاپكەرشٸلٸگٸمٸزدٸ كٶرسەتەتٸن ماڭىزدى قادام», - دەدٸ بيجانوۆ.
جارىسسٶز بارىسىندا اۋداندىق ارداگەرلەر كەڭەستەرٸنٸڭ تٶراعالارى مەن ٶزگە دە قاتىسۋشىلار پٸكٸرلەرٸن بٸلدٸردٸ.
كٷن تەرتٸبٸندەگٸ بٸرٸنشٸ مەسەلە بويىنشا ارداگەرلەر مەن تۇرعىنداردىڭ الداعى سايلاۋعا بەلسەندٸ قاتىسۋىن قامتاماسىز ەتۋ, سونداي-اق تٷسٸندٸرۋ جۇمىستارىن جٷرگٸزۋ ماقساتىندا الماتى قالالىق ارداگەرلەر كەڭەسٸنٸڭ شتابى قۇرىلدى.
وتىرىس قورىتىندىسىندا الماتى قالالىق جەنە اۋداندىق ارداگەرلەر كەڭەستەرٸنٸڭ الداعى مٸندەتتەرٸ مەن جۇمىس باعىتتارىن ايقىندايتىن تيٸستٸ شەشٸمدەر قابىلداندى.
