الماتى سوتتارى سيرەك كەزدەسەتٸن سۇڭقارلاردى قازاقستاننان زاڭسىز الىپ شىعۋ ٸسٸ بويىنشا ٷكٸم شىعاردى. ٸس ماتەريالدارىنا سەيكەس, ٷش ادام شەكارا قىزمەتكەرٸنە پارا ۇسىنىپ, جەتٸ سۇڭقاردى ەلدەن شىعارماق بولعان, دەپ حابارلايدى dalanews.kz.
تەرگەۋ دەرەگٸنشە, يوردانييادا تۋعان, رەسەي ازاماتى رەتٸندە الماتىدا تۇرعان 59 جاستاعى يدريس يبراحيم ابۋ دجامالدىڭ يەلٸگٸندە جەتٸ يتەلگٸ سۇڭقارى بولعان. بۇل قۇستار سيرەك كەزدەسەتٸن تٷرلەر قاتارىنا جاتادى جەنە تاياۋ شىعىس ەلدەرٸنٸڭ قارا نارىعىندا جوعارى باعالانادى, دەپ جازادى جۋرناليست ميحايل كوزاچكوۆ.
قۇستاردى شەتەلگە شىعارۋدىڭ جولىن ٸزدەگەن ول تالعار اۋدانىنىڭ 53 جاستاعى تۇرعىنى سەيتجان الاەۆقا جٷگٸنگەن. كەيٸن ولار الماتىدا تۇراتىن 68 جاستاعى اۋعانستان ازاماتى يبراگيم ازام موحاممادپەن بايلانىس ورناتقان.
تەرگەۋ نۇسقاسى بويىنشا, موحامماد الماتى ەۋەجايىندا قىزمەت اتقاراتىن شەكاراشى تانىسىن ەسكە الىپ, ونىمەن كەزدەسۋگە كەلٸسكەن. كەيٸن ٶتكەن كەزدەسۋلەردٸڭ بٸرٸندە كٷدٸكتٸلەر شەكارا قىزمەتكەرٸنەن جەتٸ قۇستى ەلدەن كەدەرگٸسٸز شىعارۋعا كٶمەكتەسۋدٸ سۇراپ, ەر قۇس ٷشٸن 3 مىڭ دوللاردان تٶلەۋگە دايىن ەكەندەرٸن ايتقان.
الايدا شەكارا قىزمەتكەرٸ بۇل ۇسىنىس تۋرالى بٸردەن باسشىلىعىنا حابارلاعان. وسىدان كەيٸن كٷدٸكتٸلەرمەن جٷرگٸزٸلگەن بارلىق كەزدەسۋلەر قۇقىق قورعاۋ ورگاندارىنىڭ باقىلاۋىمەن ٶتكەن. كەلەسٸ كەزدەسۋدە ٷش ازامات شەكاراشىعا جالپى كٶلەمٸ 21 مىڭ دوللاردى تاپسىرماق بولعان سەتتە ۇستالدى.
سوت بارىسىندا ايىپتالۋشىلار تاعىلعان ايىپتاردى تولىق مويىنداماعان. الاەۆ اقشا بەرۋگە قاتىسپاعانىن ايتسا, موحامماد قۇستار تۋرالى ەڭگٸمەنٸ ەسٸنە تٷسٸرە الماعانىن مەلٸمدەگەن. ال ابۋ دجامال ٶزٸنٸڭ باسقا مەسەلەگە بايلانىستى كٶمەك سۇرادىم دەپ تٷسٸندٸرگەن.
سوعان قاراماستان سوت ولاردىڭ ەرەكەتتەرٸن دەلەلدەنگەن دەپ تانىپ, سيرەك كەزدەسەتٸن جانۋارلارمەن زاڭسىز اينالىسۋ جەنە پارا بەرۋ باپتارى بويىنشا كٸنەلٸ دەپ تاپتى. ٷشەۋٸنە دە 7 جىل مەرزٸمگە باس بوستاندىعىنان ايىرۋ جازاسى تاعايىندالدى. ٷكٸم زاڭدى كٷشٸنە ەندٸ.
