الماتىدا 18-22 مامىر ارالىعىندا جوسپارلى ەلەكتر قۋاتىن ٶشٸرۋ جۇمىستارى جٷرگٸزٸلەدٸ. بۇل تۋرالى "الاتاۋ جارىق كومپانيياسى" مەلٸمدەدٸ, دەپ حابارلايدى dalanews.kz.
كومپانييا تاراتقان اقپاراتقا سەيكەس, ۋاقىتشا شەكتەۋلەر قالاداعى بٸرقاتار شاعىناۋدان مەن تۇرعىن ٷي الاپتارىن قامتيدى. اتاپ ايتقاندا, ايگەرٸم, كٶكقاينار, شاڭىراق, ۇلجان, اقجار, تاۋسامالى, قالقامان, الماگٷل, گورنىي گيگانت, باعاناشىل, نۇر الاتاۋ, كٶكتٶبە جەنە اقساي شاعىناۋداندارىندا جارىق ۋاقىتشا سٶندٸرٸلۋٸ مٷمكٸن.
سونىمەن قاتار جاندوسوۆ, گاگارين, سەتباەۆ, ەۋەزوۆ, جاروكوۆ, رايىمبەك, ابىلاي حان, جەلتوقسان, تٶلە بي, بۇقار جىراۋ كٶشەلەرٸ مەن ەل-فارابي داڭعىلىنىڭ جەكەلەگەن بٶلٸكتەرٸندە دە ەلەكتر قۋاتى ۋاقىتشا اجىراتىلادى.
ەنەرگەتيكتەردٸڭ مەلٸمەتٸنشە, جۇمىستاردىڭ باسىم بٶلٸگٸ كٷندٸزگٸ ۋاقىتتا — تاڭعى 08:00 نە 09:00-دەن كەشكٸ 17:00-گە دەيٸن جٷرگٸزٸلەدٸ.
كومپانييا ٶكٸلدەرٸ بۇل شارالار ەلەكتر جەلٸلەرٸن جاڭعىرتۋ مەن جٷيەنٸڭ تۇراقتى جۇمىسىن قامتاماسىز ەتۋ ماقساتىندا قولعا الىنعانىن اتاپ ٶتتٸ. تۇرعىندارعا الدىن الا قاجەتتٸ قۇرىلعىلارىن قۋاتتاپ الىپ, جوسپارلارىن ەسكەرٸپ جٷرۋ ۇسىنىلدى.
