ۇلى جەڭٸستٸڭ 81 جىلدىعىنا وراي الماتى وبلىسىنىڭ ورتالىعىنداعى «ارداگەرلەر ساياباعىندا» ورنالاسقان داڭق مەموريالى جانىندا جارقىن بولاشاق ٷشٸن جانىن پيدا ەتكەن بوزداقتاردى ەسكە الۋعا ارنالعان جيىن ٶتتٸ. ماقساتى – ەكٸنشٸ دٷنيەجٷزٸلٸك سوعىس ارداگەرلەرٸنٸڭ ەرلٸگٸن ۇلىقتاۋ, تىل ەڭبەككەرلەرٸنە قۇرمەت كٶرسەتۋ, جاس ۇرپاقتىڭ بويىندا وتانسٷيگٸشتٸك پەن تاريحي جادىنى قالىپتاستىرۋ, دەپ حابارلايدى dalanews.kz.
جينالعاندار مايدان دالاسىندا شەيٸت بولىپ, جات جەردٸڭ توپىراعى بۇيىرعان بوزداقتاردى بٸر مينۋت ٷنسٸزدٸكپەن ەسكە الدى. ودان كەيٸن وبلىس ەكٸمٸ مارات سۇلتانعازيەۆ سٶز سٶيلەپ, سوعىسقا قاتىسىپ, بٷگٸندە ارامىزدا قالعان ساناۋلى قارت جاۋىنگەرلەرگە قۇرمەت كٶرسەتۋ بارشانىڭ قاسيەتتٸ بورىشى ەكەنٸن ايتتى.
– سوعىس جىلدارى ەلٸمٸزدەن 1 ميلليون 366 مىڭ جاۋىنگەر مايدانعا اتتاندى. ونىڭ 120 مىڭنان استامى الماتى ٶڭٸرٸنەن بولدى. مايدان شەبٸنەن مىڭداعان بوزداق قايتىپ ورالمادى. الماتى ٶڭٸرٸنەن اتتانىپ, سوعىستا ەرەن ەرلٸگٸمەن تانىلعان 40 جاۋىنگەرگە كەڭەس وداعىنىڭ باتىرى اتاعى بەرٸلدٸ. بۇل – حالقىمىزدىڭ وتان ٷشٸن جانىن اياماي, ەرلٸك پەن باتىرلىقتىڭ ٶشپەس ٷلگٸسٸن كٶرسەتكەنٸنٸڭ ايقىن دەلەلٸ.
الماتى وبلىسى ەكٸمدٸگٸ تاراپىنان جىل سايىن ەلەۋمەتتٸك, ماتەريالدىق جەنە مورالدىق قولداۋ شارالارى جٷزەگە اسىرىلۋدا. بيىل دا قالىپتاسقان دەستٷر بويىنشا الماتى وبلىسىنان سوعىسقا قاتىسقان 4 ارداگەرگە 5 ميلليون تەڭگەدەن بٸرجولعى ەلەۋمەتتٸك كٶمەك بەرٸلدٸ. جەڭٸسكە جەتۋ جولىندا تىل ەڭبەككەرلەرٸنٸڭ دە قوسقان ٷلەسٸ زور بولدى. سوعىس جىلدارى اۋىر ەڭبەك پەن زور جاۋاپكەرشٸلٸكتٸ مويىندارىنا الىپ, مايداندى ازىق-تٷلٸكپەن, كيٸم-كەشەكپەن جەنە قاجەتتٸ قۇرال-جابدىقتارمەن قامتاماسىز ەتۋ ٷشٸن كٷن-تٷن دەمەي ەڭبەك ەتتٸ.
ولاردىڭ قاجىرلى ەڭبەگٸ جەڭٸستٸ جاقىنداتقان ماڭىزدى كٷشتەردٸڭ بٸرٸنە اينالدى. بٷگٸندە وبلىسىمىزدا 2 038 تىل ارداگەرٸ بار. ەرقايسىنىڭ ٶمٸر جولى – كەيٸنگٸ ۇرپاققا ٶنەگە, ال جانقييارلىق ەڭبەگٸ ەل جادىندا مەڭگٸ ساقتالادى, – دەدٸ وبلىس ەكٸمٸ.
ودان كەيٸن ٶڭٸر باسشىسى, وبلىستىق مەسليحات تٶراعاسى, ارداگەرلەر ۇيىمىنىڭ تٶراعاسى, قوناەۆ قالاسىنىڭ ەكٸمٸ, قۇقىق قورعاۋ ورگاندارى, ەسكەري بٶلٸم, دەپارتامەنتتەر مەن باسقارما باسشىلارى, مەسليحات دەپۋتاتتارى, تىل جەنە ەڭبەك ارداگەرلەرٸ, اۋعان سوعىسىنىڭ قاتىسۋشىلارى, وبلىس پەن قالانىڭ قۇرمەتتٸ ازاماتتارى, مەكەمە-كەسٸپورىن باسشىلارى, ەتنومەدەني بٸرلەستٸكتەردٸڭ مٷشەلەرٸ جەنە جاستار «مەڭگٸلٸك الاۋعا» گٷل سەبەتتەرٸن قويىپ, بوزداقتار رۋحىنا تاعزىم جاسادى.
جەڭٸس كٷنٸ قارساڭىندا مارات ەلەۋسٸزۇلى وبلىس اۋماعىندا تۇراتىن كٶزٸ تٸرٸ سوعىس ارداگەرلەرٸنٸڭ شاڭىراعىنا ارنايى بارىپ, مەملەكەت باسشىسى قاسىم-جومارت توقاەۆتىڭ قۇتتىقتاۋىن جەتكٸزدٸ.
قوناەۆ قالاسىنداعى مەرەكەلٸك شارا ودان ەرٸ بەردٸبەك سوقپاقباەۆ اتىنداعى ورتالىق ساياباقتا ٶز جالعاسىن تاپتى.
مۇنداعى كونتسەرتتٸك باعدارلامادا ەسكەري-پاتريوتتىق ەندەر شىرقالىپ, مەدەنيەت جەنە ٶنەر ۇجىمدارىنىڭ قويىلىمدارى كٶرەرمەندەر نازارىنا ۇسىنىلدى. سونىمەن قاتار جاستاردىڭ پاتريوتتىق اكتسييالارى ۇيىمداستىرىلىپ, قالا ەكٸمٸ تىل ەڭبەككەرلەرٸنٸڭ ٷيٸنە بارىپ, مەرەكەمەن قۇتتىقتاپ شىقتى.
