الماتى وبلىسىنىڭ كٶكقاينار اۋىلىندا 11-سىنىپ وقۋشىسى قايتىس بولدى. مارقۇمنىڭ تۋىستارى قايعىلى وقيعاعا دەيٸن وعان مەكتەپ مۇعالٸمٸ تاراپىنان پسيحولوگييالىق قىسىم جاسالعانىن مەلٸمدەدٸ, دەپ حابارلايدى dalanews.kz.
كريمينالنىي كازاحستان تەلەگرام ارناسىنىڭ مەلٸمەتٸنشە, وقيعا 23 سەۋٸردە بولعان. قىز "مەنٸڭ مەكتەبٸم" گيمنازيياسىندا بٸلٸم العان. تۋىستارىنىڭ سٶزٸنشە, ول وسى بٸلٸم ورداسىندا جۇمىس ٸستەيتٸن مۇعالٸمنٸڭ 19 جاستاعى ۇلىمەن كەزدەسٸپ جٷرگەن. الايدا پەداگوگ ولاردىڭ قارىم-قاتىناسىنا قارسى بولىپ, قىزدىڭ ۇلتىنا قاتىستى كەمسٸتەتٸن سٶز ايتقان.
"ول مۇعالٸمنٸڭ ۇلىمەن كەزدەسٸپ جٷرگەن. بٸراق اناسى ولاردىڭ قارىم-قاتىناسىنا قارسى بولىپ, "ماعان ۇيعىر كەلٸننٸڭ قاجەتٸ جوق" دەگەن", - دەيدٸ مارقۇمنىڭ تۋىستارى.
جاقىندارىنىڭ مەلٸمدەۋٸنشە, ەلەۋمەتتٸك جەلٸدە بٸرنەشە جاسٶسپٸرٸمنٸڭ ەلەكتروندى تەمەكٸ شەگٸپ وتىرعان ۆيدەوسى تاراعاننان كەيٸن وقۋشىنى اتا-اناسىن مەكتەپكە شاقىرتۋمەن جەنە سوتقا جٷگٸنۋمەن قورقىتقان.
تۋىستارى قىزدىڭ مەسەلەنٸ شەشۋ ٷشٸن مۇعالٸممەن سٶيلەسۋگە بارعانىن ايتادى. الايدا پەداگوگ ودان ۇلىمەن بۇدان بىلاي ارالاسپايتىنى تۋرالى قولحات جازۋدى تالاپ ەتكەن دەگەن بولجام بار.
"قىزىمىز مۇعالٸممەن سٶيلەسٸپ, جاعدايدى تٷسٸندٸرگٸسٸ كەلگەن. بٸراق ودان ۇلىمەن قارىم-قاتىناسىن توقتاتاتىنى تۋرالى قولحات جازۋدى تالاپ ەتكەن. وعان پسيحولوگييالىق قىسىم جاسالدى دەپ ەسەپتەيمٸز", - دەيدٸ وتباسى مٷشەلەرٸ.
قايتىس بولار الدىندا وقۋشى اتا-اناسىنا قىسقا جازبا قالدىرعان.
"اناشىم, ەكەشٸم, سٸزدەردٸ جاقسى كٶرەمٸن. مەندە باسقا امال بولمادى", - دەلٸنگەن جازبادا.
قايعىلى جاعدايدان بەرٸ تٶرت اي ٶتسە دە, مارقۇمنىڭ وتباسى وقيعانىڭ مەن-جايىنا قاتىستى ساۋالدارىنا ەلٸ ناقتى جاۋاپ الماعانىن مەلٸمدەدٸ. تۋىستارى ٸستٸڭ جان-جاقتى ەرٸ ەدٸل تەرگەلۋٸن تالاپ ەتٸپ وتىر.
"تٶرت اي ٶتتٸ, بٸراق ەلٸ كٷنگە دەيٸن ناقتى جاۋاپ جوق. بٸز بولعان جاعدايدىڭ بارلىق مەن-جايى انىقتالىپ, كٸنەلٸلەر زاڭ الدىندا جاۋاپ بەرگەنٸن قالايمىز", - دەيدٸ جاقىندارى.
ال گيمنازييا ەكٸمشٸلٸگٸ تەرگەۋگە كٶمەكتەسٸپ جاتقانىن جەنە قۇقىق قورعاۋ ورگاندارىنا قاجەتتٸ قۇجاتتاردىڭ بارلىعىن ۇسىنعانىن حابارلادى.
"مەكتەپ قۇقىق قورعاۋ ورگاندارىمەن بٸرلەسٸپ جۇمىس ٸستەپ, سۇراتىلعان قۇجاتتاردىڭ بارلىعىن تاپسىردى. تەرگەۋ اياقتالعانعا دەيٸن قوسىمشا تٷسٸنٸكتەمە بەرمەيمٸز", - دەلٸنگەن بٸلٸم ورداسىنىڭ حابارلاماسىندا.
