ەكٸ ايعا قاماۋعا الىنعان "الماتىمەتروقۇرىلىس" كومپانيياسى ديرەكتورلار كەڭەسٸنٸڭ تٶراعاسى قايرات رەيٸموۆ تەرگەۋ كەزٸندە تار قاپاستا وتىرماس ٷشٸن 25 ميلليون تەڭگەگە باعالاناتىن جىلجىمايتىن مٷلكٸن كەپٸلگە قويىپ, بوساپ شىقتى, دەپ حابارلايدى Dalanews.kz كتك تەلەارناسىنا سٸلتەمە جاساپ.
ەرلان تۇرعىمباەۆ, قر ٸشكٸ ٸستەر مينيسترٸ:
- سوتتىڭ شەشٸمٸ 25 ميلليون تەڭگە كٶلەمٸندە كەپٸلدٸكپەن قاماۋعا الۋعا رۇقسات بەرگەن. پروتسەدۋرالىق سۇراق بار. قورعاۋشى تاراپ جىلجىمايتىن مٷلٸك تۋرالى قۇجاتتى ۇسىنىپ, ول باعالانىپ, كەيٸن كەپٸلدٸكپەن بوساتىلدى.
دەسە دە تانىمال بيزنەسمەندٸ قايتادان قاماۋعا الۋى عاجاپ ەمەس. ٶيتكەنٸ بٷگٸن الماتى قالالىق پروكۋراتۋراسى قايرات رەيموۆتٸ كەپٸلمەن بوساتۋ تۋرالى شەشٸمنٸڭ كٷشٸن جويۋدى سۇراپ سوتقا ارىز تٷسٸرگەن. ال "الماتىمەتروقۇرىلىس" كومپانيياسىنىڭ باسشىسى ٶزٸنە تاپسىرىسپەن قىسىم جاسالىپ جاتقانىن اشىق ايتتى. قاماۋدان بوساي سالىپ, باسپاسٶز مەسليحاتىن ٶتكٸزگەن رەيٸموۆ تاعىلعان ايىپپەن "كەلٸسپەيمٸن" دەپ وتىر.
ول ٶزٸن سوتقا سٷيرەگەن دٸنمۇحاممەد ىدىرىسوۆ "الماتىمەتروقۇرىلىستىڭ" 39 پايىز اكتسيياسىن 1,7 ميلليارد تەڭگەگە ساتىپ العانىن ايتتى. ودان كەيٸن قوسىمشا قارجىلىق قولداۋ رەتٸندە تاعى 1,5 ميلليارد تەڭگە قۇيعان.
"ەندٸ ىدىرىسوۆقا سول قارىزدىڭ قايتقانى ەمەس, "الماتىمەتروقۇرىلىستىڭ" 80 پايىز اكتسيياسى كەرەك", - دەيدٸ رەيٸموۆ.
قازٸر كومپانييانىڭ بارلىق اكتسييالارىنا بۇعات سالىنعان. الداعى ۋاقىتتا ەسەپ-شوتى جابىلسا, جۇمىسشىلار – جالاقىسىز, دوستىق پەن سارىارقا ستانتسييالارى اياقسىز قالۋى مٷمكٸن. سوندىقتان باسىنا قارا بۇلت ٷيٸرٸلگەن قايرات رەيٸموۆ پرەزيدەنتتەن اراشا سۇرادى.
قايرات رەيٸموۆ, "الماتىمەتروقۇرىلىس" اق ديرەكتورلار كەڭەسٸنٸڭ تٶراعاسى:
- قاسىمجومارت كەمەلۇلى توقاەۆقا ٷندەۋٸم: وسى بولىپ جاتقان زاڭسىزدىقتى توقتاتسا. قر ٸٸم تۇرعىمباەۆ مىرزا, وسى ٸستٸ وبەكتيۆتٸ قاراپ, تاپسىرما بەرسە. ازاماتتىق ٸس بولعاننان كەيٸن, ەكٸ بيزنەسمەننٸڭ اراسىندا بولىپ جاتقاسىن ٸستٸ ازاماتتىق سوتقا جٸبەرٸپ, اتالمىش ٸستٸ توقتاتۋىن سۇرايمىن.
