Eki aiǵa qamaýǵa alynǵan "Almatymetroqurylys" kompaniiasy direktorlar keńesiniń tóraǵasy Qairat Reiimov tergeý kezinde tar qapasta otyrmas úshin 25 million teńgege baǵalanatyn jyljymaityn múlkin kepilge qoiyp, bosap shyqty, dep habarlaidy Dalanews.kz KTK telearnasyna silteme jasap.
Erlan Turǵymbaev, QR Ishki ister ministri:
- Sottyń sheshimi 25 million teńge kóleminde kepildikpen qamaýǵa alýǵa ruqsat bergen. Protsedýralyq suraq bar. Qorǵaýshy tarap jyljymaityn múlik týraly qujatty usynyp, ol baǵalanyp, keiin kepildikpen bosatyldy.
Dese de tanymal biznesmendi qaitadan qamaýǵa alýy ǵajap emes. Óitkeni búgin Almaty qalalyq prokýratýrasy Qairat Reimovti kepilmen bosatý týraly sheshimniń kúshin joiýdy surap sotqa aryz túsirgen. Al "Almatymetroqurylys" kompaniiasynyń basshysy ózine tapsyryspen qysym jasalyp jatqanyn ashyq aitty. Qamaýdan bosai salyp, baspasóz máslihatyn ótkizgen Reiimov taǵylǵan aiyppen "kelispeimin" dep otyr.
Ol ózin sotqa súiregen Dinmuhammed Ydyrysov "Almatymetroqurylystyń" 39 paiyz aktsiiasyn 1,7 milliard teńgege satyp alǵanyn aitty. Odan keiin qosymsha qarjylyq qoldaý retinde taǵy 1,5 milliard teńge quiǵan.
"Endi Ydyrysovqa sol qaryzdyń qaitqany emes, "Almatymetroqurylystyń" 80 paiyz aktsiiasy kerek", - deidi Reiimov.
Qazir kompaniianyń barlyq aktsiialaryna buǵat salynǵan. Aldaǵy ýaqytta esep-shoty jabylsa, jumysshylar – jalaqysyz, Dostyq pen Saryarqa stantsiialary aiaqsyz qalýy múmkin. Sondyqtan basyna qara bult úiirilgen Qairat Reiimov prezidentten arasha surady.
Qairat Reiimov, "Almatymetroqurylys" AQ direktorlar keńesiniń tóraǵasy:
- Qasymjomart Kemeluly Toqaevqa úndeýim: osy bolyp jatqan zańsyzdyqty toqtatsa. QR IIM Turǵymbaev myrza, osy isti obektivti qarap, tapsyrma berse. Azamattyq is bolǵannan keiin, eki biznesmenniń arasynda bolyp jatqasyn isti azamattyq sotqa jiberip, atalmysh isti toqtatýyn suraimyn.
