الماتىلىقتاردىڭ تەلەفونىنا "توتەنشە جاعداي" دابىلى كەلدى،- دەپ حابارلايدى Dalanews.kz.
"الماتى قالاسىندا جوسپارلى جالپىقالالىق سەيسميكالىق جاتتىعۋ وتكىزىلىپ جاتىر. سابىر ساقتاپ، بەلسەندى قاتىسۋعا شاقىرامىز!" - دەپ جازىلعان حابارلامادا.
بۇعان دەيىن 30 ساۋىردە ساعات 11:00-دە الماتىدا جوسپارلى سەيسميكالىق جاتتىعۋ وتكىزىلەتىنى حابارلاندى. 28 ساۋىردەن باستاپ راديوارنالاردا جاتتىعۋ تۋرالى اقپارات پەن سابىر ساقتاۋعا شاقىراتىن حابارلامالار بەرىلە باستادى.
"جاتتىعۋعا دەيىن دابىل شابادانىن دايىنداپ، ەلەكتر جەلىلەرى مەن عيماراتتاردان الىس ءقاۋىپسىز ورىندى انىقتاپ الىڭىز. الماتىدا 384 حالىقتى قابىلداۋ پۋنكتى جۇمىس ىستەيدى. قابىلداۋ پۋنكتتەرى تۋرالى تولىق اقپاراتتى 2گيس كارتاسىنان نەمەسە الماتى قالاسى توتەنشە جاعدايلار دەپارتامەنتىنىڭ جانە اكىمدىكتىڭ رەسمي سايتتارىنان تابۋعا بولادى. ازاماتتاردى سابىر ساقتاۋعا جانە سەيسميكالىق جاتتىعۋعا بەلسەندى قاتىسۋعا شاقىرامىز"، - دەدى بۇعان دەيىن الماتى قالاسىنىڭ توتەنشە جاعدايلار دەپارتامەنتى وكىلى.
