«الماتى» ميكروقارجى ۇيىمى («الماتى مقۇ» ج ش س، «الماتى» اكك» اق كومپانيالار توبىنا كىرەدى) «Almaty Business-2025» كاسىپكەرلىكتى دامىتۋدىڭ وڭىرلىك باعدارلاماسى بويىنشا جەڭىلدىكتى قارىزدار بەرۋدى جالعاستىرۋدا، دەپ حابارلايدى Dalanews.kz
باعدارلاما شەڭبەرىندە ميكرو جانە شاعىن كاسىپكەرلىك سۋبەكتىلەرى جىلدىق 2% جانە 6% مولشەرلەمە بويىنشا نەسيەلەر الادى. اعىمداعى جىلدىڭ ءبىرىنشى توقسانىنىڭ قورىتىندىسى بويىنشا جەرگىلىكتى بيزنەسكە 572 ملن تەڭگە سوماسىندا قارىزدار بەرىلدى. نەسيەلەردىڭ ۇشتەن بىرىنەن استامى ءوندىرىس جانە قايتا وڭدەۋ سالاسىنداعى جوبالارعا تيەسىلى بولدى.سونداي-اق حالىققا قىزمەت كورسەتۋگە باعىتتالعان باستامالار (ۇلەسى-21%)، تۋريزم جانە ءبىلىم بەرۋ سالالارىنداعى جوبالار (14%-دان) قارجىلاندىرىلدى.
«الماتى» مقۇ-دا ءبىر قارىز الۋشىعا قارجىلاندىرۋدىڭ ەڭ جوعارى سوماسى 78 640 000 تەڭگەنى قۇرايدى. قارىز مەرزىمى - 7 جىلعا دەيىن. باعدارلاماعا قاتىسۋدىڭ نەگىزگى شارتى — الماتى قالاسىنىڭ اۋماعىندا بيزنەستى تىركەۋ جانە جۇرگىزۋ. ءوندىرىس جانە قايتا وڭدەۋ، الەۋمەتتىك باعدارلانعان كاسىپكەرلىك (ونىڭ ىشىندە ءبىلىم بەرۋ، سپورت جانە دەنساۋلىق ساقتاۋ سالالارىنداعى) سالالارىنداعى جوبالار، سونداي-اق يمپورتتى الماستىرۋعا، ەكسپورتقا باعدارلانۋعا، كرەاتيۆتى يندۋستريالارعا جانە ت. ب. باعىتتالعان باستامالار قاراۋعا باسىم بولىپ تابىلادى.
2019 جىلى «Almaty Business-2025» باعدارلاماسى ىسكە قوسىلعان ساتتەن باستاپ «الماتى» مقۇ شامامەن 14 ملرد تەڭگەگە 600-دەن استام جوبانى قارجىلاندىردى.
«جەڭىلدەتىلگەن نەسيەلەۋ اياسىندا «الماتى» مقۇ قالادا 2،5 مىڭنان استام جاڭا جۇمىس ورنى قۇرىلدى. كاسىپكەرلىك بەلسەندىلىك پەن جۇمىسپەن قامتۋدىڭ ءوسۋىن ىنتالاندىرۋمەن قاتار، «Almaty Business-2025» باعدارلاماسى قالا بيۋدجەتىنە تۇسەتىن سالىق تۇسىمدەرىنىڭ ۇلعايۋىنا ىقپال ەتەدى. ماسەلەن، قارىز الۋشىلار 2019 جىلدان باستاپ 2 ملرد. تەڭگەدەن استام سالىق تولەدى»، - دەدى «الماتى» مقۇ باسقارما ءتوراعاسى التاي يسماعامبەتوۆ.
جىلدىق ءتيىمدى سىياقى مولشەرلەمەسى جەكە-جەكە ەسەپتەلەدى جانە 13%-دان اسپايدى. جەڭىلدەتىلگەن نەسيەلەۋ باعدارلاماسى تۋرالى تولىعىراق +7 (727) 390 80 42 تەلەفونى نەمەسە ۆەب-سايت ارقىلى بىلە الاسىز.
