جاڭا جىلدان باستاپ «تۇلپار-تالگو» ۆاگوندارىنان جاساقتالعان پويىز الماتى مەن تۇركىستان اراسىندا قاتىناي باسايدى. بۇل جايىندا «جولاۋشىلار تاسىمالى» اق باسپا ءسوز قىزمەتى ءمالىم ەتتى.

«تۇركىستان وبلىسىنىڭ كولىكتىك قولجەتىمدىلىگىن ارتتىرۋ جانە قازاقستانداعى ەڭ تانىمال تۋريستىك ورىنداردىڭ ءبىرى باعىتىندا جولاۋشىلار تاسىمالىن جەتىلدىرۋ ماقساتىندا «جولاۋشىلار تاسىمالى» اق 3 قاڭتاردان باستاپ الماتى مەن تۇركىستان قالالارى اراسىندا جاڭا باعداردى ىسكە قوسادى»، - دەلىنگەن كومپانيا اقپاراتىندا.

71/72 ءنومىرى «الماتى 2-تۇركىستان» پويىزى 23 ۆاگوننان جاساقتالعان، ونىڭ 19-ى «تۋريست» ساناتىندا جانە 1 ۆاگون بار، 1 ۆاگون مەيرامحانا جانە 2 تەحنيكالىق ۆاگون بار.

الماتىدان شىققان پويىز تۇركىستان قالاسىندا 13 ساعات 23 مينۋتتا جەتەدى. كەرى باعىتتاعى جولعا كەتەتىن ۋاقىت 13 ساعات 06 مينۋت. جولدا پويىز شۋ، تاراز، شىمكەنت جانە ارىس-2 ستانسالارىنا توقتايدى. پويىز كەستەسى جولاۋشىلارعا ىڭعايلى جاسالعان.

الماتىدان پويىز جۇپ كۇندەرى ساعات 21-59-دا شىعىپ، تۇركىستانعا تاق كۇندەرى ساعات 11-05-تە جەتەدى. ال كەرى باعىتتا پويىز تۇركىستاننان تاق كۇندەرى ساعات 16-51-دە جونەلتىلىپ، الماتىعا جۇپ كۇندەرى ساعات 06-23-تە كەلەدى.