الماتىدا 2023 جىلدىڭ قاراشاسىندا حوستەلدە بولعان ٶرت سالدارىنان 13 ادام قازا تاپقان وقيعاعا قاتىستى سوت ٷكٸمٸ شىقتى, دەپ حابارلايدى Dalanews.kz.
سوت الدىندا حوستەل ديرەكتورى ەدٸلبەك مۇحامەديياروۆ پەن بۇل عيماراتقا ٶرت قاۋٸپسٸزدٸگٸ جٷيەسٸن ورناتقان "گيدسەرۆيس" مەردٸگەر ۇيىمىنىڭ ٶكٸلٸ الەكساندر پەكەلنيك جاۋاپ بەردٸ. مەملەكەتتٸك ايىپتاۋشى مۇحامەديياروۆقا 5 جىل, ال پەكەلنيككە 4 جىل باس بوستاندىعىنان ايىرۋ جازاسىن سۇراعان.
سوت مۇحامەديياروۆتى – ٶرت قاۋٸپسٸزدٸگٸ تالاپتارىن بۇزدى, ال پەكەلنيكتٸ – قاۋٸپسٸزدٸك تالاپتارىنا ساي ەمەس جۇمىس اتقاردى دەپ تانىدى.
نەتيجەسٸندە مۇحامەديياروۆقا – كولونييا-قونىستا 5 جىل, ال پەكەلنيككە – سونداي مەكەمەدە 4 جىل باس بوستاندىعىنان ايىرۋ جازاسى تاعايىندالدى. زارداپ شەككەن تاراپتاردىڭ ازاماتتىق تالاپتارى ٸشٸنارا قاناعاتتاندىرىلدى.
2023 جىلعى 30 قاراشا كٷنٸ تاڭەرتەڭ الماتىداعى ەدي شەرٸپوۆ كٶشەسٸندە ورنالاسقان حوستەلدە ٶرت شىققان. ٶرت كەزٸندە عيماراتتا 72 ادام بولعان. ولاردىڭ 59-ى ٶز بەتٸمەن سىرتقا شىقسا, 13 ادام قازا تاپتى. تاعى ٷشەۋٸ اۋرۋحاناعا جەتكٸزٸلگەن. بٸرنەشە كٷننەن كەيٸن بۇل عيماراتتى جالعا العان تۇلعا ۇستالدى.
قۇجات بويىنشا جەر تەلٸمٸ دٷكەندٸ پايدالانۋ جەنە كٷتٸپ ۇستاۋ ماقساتىندا بٶلٸنگەنٸ بەلگٸلٸ بولدى. تەرگەۋ 2024 جىلدىڭ قاراشاسىندا اياقتالعان.
