الماتىنىڭ المالى اۋداندىق سوتىندا ماۋسىمدا ادام ٶلٸمٸنە ەكەپ سوققان اۆتوبۋس اپاتىنا قاتىستى اشىق سوت وتىرىسى باستالدى. جول اپاتىنان 1 ادام قازا تاۋىپ, تاعى 25 جولاۋشى ەرتٷرلٸ دەرەجەدەگٸ جاراقاتتار الدى. بٷگٸن قىلمىستىق ٸس بويىنشا الدىن الا تىڭداۋ ٶتتٸ, - دەپ حابارلايدى Dalanews.kz.
سوتقا قازاقستان رەسپۋبليكاسى قىلمىستىق كودەكسٸنٸڭ 345-بابىنىڭ 3-بٶلٸگٸمەن ابايسىزدا ادام ٶلٸمٸنە ەكەپ سوقتىرعان ەرەكەتٸ ٷشٸن ايىپتالعان ەيەل كەلدٸ. الدىن الا سوت وتىرىسىندا سۋديا ٸس ماتەريالى بٸردەن پروكۋرورعا, كەيٸن سوتقا جٸبەرٸلگەنٸن, ال ادۆوكاتتار قىلمىستىق ٸس ماتەريالدارىمەن تانىسىپ ٷلگەرمەگەنٸن, ولارعا سوت وتىرىسىنىڭ ماتەريالدارىمەن تانىسۋ ٷشٸن قوسىمشا ۋاقىت بەرٸلەتٸنٸن مەلٸمدەدٸ.
"سوتتالۋشى مەن ونىڭ قورعاۋشىلارى قىلمىستىق ٸس ماتەريالدارىمەن تانىسۋعا مٷمكٸندٸكتەرٸ بولمادى, تيٸسٸنشە, ٶتٸنٸشحاتتار بەرۋ قۇقىعىنان ايىرىلدى. قورعاۋشىنىڭ ٸسكە ساراپتامالىق قورىتىندىلار قوسۋ تۋرالى ٶتٸنٸشٸ باستى سوت تالقىلاۋىندا قارالىپ, شەشٸلەدٸ. ٸس ماتەريالدارىمەن تانىسۋ تۋرالى ٶتٸنٸش قوسىمشا ۋاقىت بەرۋمەن قاناعاتتاندىرىلدى", - دەدٸ سۋديا ق.يمانقۇلوۆ.
سوت اشىق سوت وتىرىسىن 19 قاراشاعا ساعات 10:30-عا تاعايىنداۋدى بۇيىردى.
ەسكە سالايىق, 26 ماۋسىمدا الماتىدا اۆتوبۋس دٷكەنگە كٸرٸپ كەتتٸ دەگەن اقپارات پايدا بولعانى حابارلاندى. كۋەگەرلەر الماتىداعى اۆتوبۋس اپاتىنان كەيٸنگٸ جاعداي تۋرالى ايتتى.
