الماتىداعى بالاباقشالاردىڭ بىرىندە جانتۇرشىگەرلىك جاعداي ورىن الىپ، كوپشىلىكتىڭ جاعاسىن ۇستاتتى. الەۋمەتتىك جەلىدە تاراعان ۆيدەوعا سايكەس، تاربيەلەنۋشىلەردىڭ ءبىرى قاتارلاستارىنىڭ اياۋسىز سوققىسىنا جىعىلعان. بۇل ءسات مەكەمەنىڭ بەينەباقىلاۋ كامەراسىنا ءتۇسىپ قالعان، دەپ حابارلايدى Dalanews.kz.
زارداپ شەككەن بالانىڭ اتا-اناسى وقيعا 21 اقپاندا بولعانىن جەتكىزدى.
مۇندا تاربيەشىنىڭ قاراۋىنسىز قالعان بالالار سول ساتتە توپتاسىن ۇرا باستايدى. ال تاربيەشى كىناسىن مويىنداماعان. ول بالانىڭ ءوزى قۇلاپ قالعانىن ايتقان.
وسى تۇستا قالالىق ءبىلىم باسقارماسى بالاباقشا اكىمشىلىگىنىڭ بۇيرىعىمەن تاربيەشىگە قاتاڭ تۇردە سوگىس جاريالانىپ، تارتىپتىك جازا قولدانىلعانىن مالىمدەدى. سونىمەن قاتار الماتى قالالىق پوليسيا دەپارتامەنتى اتالمىش وقيعاعا بايلانىستى قىلمىستىق ءىس تەرگەلىپ جاتقانىن حابارلادى.
"بالاباقشا قىزمەتكەرلەرى مەن اتا-انالاردىڭ ارەكەتىنە قۇقىقتىق باعا بەرىلەدى"، - دەلىنگەن حابارلامادا.
الماتى قالالىق قوعامدىق دەنساۋلىق ساقتاۋ باسقارماسى بالانىڭ قازىرگى جاي-كۇيى تۋرالى ايتتى. ونىڭ ايتۋىنشا، ءقازىر ءبۇلدىرشىن اۋرۋحانادا جاتىر.
"بالاباقشادا زارداپ شەككەن بالاعا الماتى قالالىق جەدەل مەديسينالىق جاردەم كورسەتۋ ورتالىعىندا بارلىق قاجەتتى مەديسينالىق كومەك كورسەتىلىپ جاتىر. بالانىڭ جاعدايى تۇراقتى"، - دەلىنگەن حابارلامادا.
