Almatydaǵy balabaqshalardyń birinde jantúrshigerlik jaǵdai oryn alyp, kópshiliktiń jaǵasyn ustatty. Áleýmettik jelide taraǵan videoǵa sáikes, tárbielenýshilerdiń biri qatarlastarynyń aiaýsyz soqqysyna jyǵylǵan. Bul sát mekemeniń beinebaqylaý kamerasyna túsip qalǵan, dep habarlaidy Dalanews.kz.
Zardap shekken balanyń ata-anasy oqiǵa 21 aqpanda bolǵanyn jetkizdi.
Munda tárbieshiniń qaraýynsyz qalǵan balalar sol sátte toptasyn ura bastaidy. Al tárbieshi kinásin moiyndamaǵan. Ol balanyń ózi qulap qalǵanyn aitqan.
Osy tusta qalalyq bilim basqarmasy balabaqsha ákimshiliginiń buiryǵymen tárbieshige qatań túrde sógis jariialanyp, tártiptik jaza qoldanylǵanyn málimdedi. Sonymen qatar Almaty qalalyq politsiia departamenti atalmysh oqiǵaǵa bailanysty qylmystyq is tergelip jatqanyn habarlady.
"Balabaqsha qyzmetkerleri men ata-analardyń áreketine quqyqtyq baǵa beriledi", - delingen habarlamada.
Almaty qalalyq qoǵamdyq densaýlyq saqtaý basqarmasy balanyń qazirgi jai-kúii týraly aitty. Onyń aitýynsha, qazir búldirshin aýrýhanada jatyr.
"Balabaqshada zardap shekken balaǵa Almaty qalalyq jedel meditsinalyq járdem kórsetý ortalyǵynda barlyq qajetti meditsinalyq kómek kórsetilip jatyr. Balanyń jaǵdaiy turaqty", - delingen habarlamada.
