الماتىداعى اۆتوبۋس اپاتىنان قازا تاپقانداردىڭ جاقىندارى ٶتەماقى تالاپ ەتتٸ
اۆتوبۋس اپاتىنان قازا تاپقان ەرلٸ-زايىپتى تالاپ قوسىموۆ پەن گٷلجاحان جەتپٸسباەۆانىڭ تۋىسى سٷيٸنباي وڭالبەكۇلى پارك ٶكٸلدەرٸنٸڭ بٸر اپتادان كەيٸن عانا كٶڭٸل ايتقانىن جەتكٸزدٸ. ولاردىڭ ايتۋىنشا, تٸپتٸ سول كەزدە دە كٶمەك كٶرسەتۋ تۋرالى جاق اشپاعان. ال بۇل وتباسىنىڭ ارتىندا تٶرت بالاسى قالعان. تۇرىپ جاتقان باسپانالارى دا نەسيەگە الىنعان ەكەن.
«بانكتەن 17 ميلليون, قالعانىن ٶزدەرٸ اۋىلداعى ٷيلەرٸ مەن كٶلٸكتەرٸن ساتىپ پەتەر الدى. سول بانكتەگٸ اقشاسى جابىلسا, بالالارىنا باسپانا قالار ەدٸ. ەندٸ اۆتوبۋس پاركٸ جاعىنان ٷمٸت كٷتٸپ وتىرمىز. ٷمٸتٸمٸزدٸ اقتايتىن شىعار دەگەن ويدامىز», – دەدٸ سٷيٸنباي وڭالبەكۇلى.
مامانداردىڭ پٸكٸرٸنشە, سوت شەشٸمٸ شىققاننان كەيٸن قايتىس بولعانداردىڭ جاقىندارى ازاماتتىق سوتقا ارىزدانىپ, ساقتاندىرۋ كومپانيياسىنا جٷگٸنە الادى. ال, قوعامدىق كٶلٸك جٷرگٸزۋشٸسٸنٸڭ كٸنەسٸ بولسا دا, بولماسا دا بۇل جاعدايدا جەبٸرلەنگەن تاراپقا كٶمەك بەرۋٸ شارت.
«ونىڭ كٸنەسٸ بولسا دا, بولماسا دا بەرٸبٸر. سول كەلتٸرٸلگەن زالالدى تٶلەپ بەرۋٸ تيٸس. ادام قايتىس بولعاندا 2000 اەك, ٸ توپتاعى مٷگەدەك بولسا 1600, ٸٸ توپتاعى مٷگەدەكتٸك ٷشٸن 1200, ٸٸٸ توپقا 500 بالا مٷگەدەكتٸك السا بولادى», – دەدٸ «ەۋرازييا» سك اتقارۋشى ديرەكتورى گٷلنەز مۇحتاروۆا.
قازٸر اتالعان فاكت بويىنشا قىلمىستىق ٸس قوزعالىپ, تەرگەۋ امالدارى جٷرٸپ جاتىر.
ەسكە سالايىق, 2023 جىلعى جەلتوقساندا الماتىدا اۆتوبۋس ايالدامادا تۇرعان بٸر توپ ادامدى قاعىپ كەتكەن ەدٸ. سالدارىنان 3 ادام مەرت بولدى.
