بۇل تۋرالى كتك ارناسى حابارلايدى.

6 ادامدى جەر جاستاندىرعان رۋسلان كۇلىكبايەۆتان جاقىن تۋىستارى دا جەرىنىپ وتىر. الماتى ىرگەسىندەگى ىنتىماق اۋىلىندا تۇراتىن سودىردىڭ اتا-ەنەسى كۇيەۋبالالارىن تالايدان بەرى كورمەگەندەرىن ايتۋدا. لاڭكەسكە كۇيەۋگە شىققان قىزدارىمەن دە تەك تەلەفون ارقىلى سويلەسىپ كەلگەن. سوندىقتان كەشەگى وقيعا بارلىق اۋلەتىمىزدە داق ءتۇسىردى دەيدى كۇيىنگەن اتا-انا.

وسىدان ەكى كۇن بۇرىن الماتىدا بولعان وقيعادان ەسەڭگىرەپ قالعان وتباسى كۇيەۋبالانىڭ ارەكەتىنە كۇيىنىپ وتىر. ون بالانىڭ ورتاسىندا اكەسىز وسكەن رۋسلان كۇلىكبايەۆ جات اعىمنىڭ جەتەگىندە كەتكەن دەيدى اتا-ەنەسى. ءتىپتى، دىنگە بەرىلگەنى سونشا، ايەلىن توركىندەرىمەن ارالاستىرماپتى.

„جۇرتقا وق جاۋدىراتىنداي قانىپەزەر ەكەنىن بىلمەدىك„ دەگەن جاقىندارى ەندى وعان ەڭ قاتال جازاعا تارتۋدى سۇرايدى.

ءقازىر كۇدىكتى رۋسلان كۇلىكبايەۆتىڭ كىشى ۇلى اتا-ەنەسىنىڭ ۇيىندە تاربيەلەنىپ جاتىر ەكەن.  ءتورت جاسار بالانى تۋعاننان بەرى ناعاشى اتا-اجەسى باۋىرىنا باسقان. ال ايەلى اياۋلىمدى قۇزىرلى ورىندار بۇگىن الماتىعا جەتكىزىپتى. ونى ءتارتىپ ساقشىلارى سۇراق-جاۋاپتىڭ استىنا الماقشى.

دەرەككوز: http://kaz.365info.kz/