Bul týraly KTK arnasy habarlaıdy.

6 adamdy jer jastandyrǵan Rýslan Kúlikbaevtan jaqyn týystary da jerinip otyr. Almaty irgesindegi Yntymaq aýylynda turatyn sodyrdyń ata-enesi kúıeýbalalaryn talaıdan beri kórmegenderin aıtýda. Lańkeske kúıeýge shyqqan qyzdarymen de tek telefon arqyly sóılesip kelgen. Sondyqtan keshegi oqıǵa barlyq áýletimizde daq túsirdi deıdi kúıingen ata-ana.

Osydan eki kún buryn Almatyda bolǵan oqıǵadan eseńgirep qalǵan otbasy kúıeýbalanyń áreketine kúıinip otyr. On balanyń ortasynda ákesiz ósken Rýslan Kúlikbaev jat aǵymnyń jeteginde ketken deıdi ata-enesi. Tipti, dinge berilgeni sonsha, áıelin tórkinderimen aralastyrmapty.

„Jurtqa oq jaýdyratyndaı qanypezer ekenin bilmedik„ degen jaqyndary endi oǵan eń qatal jazaǵa tartýdy suraıdy.

Qazir kúdikti Rýslan Kúlikbaevtyń kishi uly ata-enesiniń úıinde tárbıelenip jatyr eken.  Tórt jasar balany týǵannan beri naǵashy ata-ájesi baýyryna basqan. Al áıeli Aıaýlymdy quzyrly oryndar búgin Almatyǵa jetkizipti. Ony tártip saqshylary suraq-jaýaptyń astyna almaqshy.

Derekkóz: http://kaz.365info.kz/