«جاس قانات» تۇرعىن ٷي كەشەنٸندە ورنالاساتىن الماتى كٸتاپحانالارىنىڭ جاڭا فيليالىندا ينتەراكتيۆتٸ ايماقتارى, تسيفرلىق سەرۆيستەرٸ جەنە شىعارماشىلىق شەبەرحانالارى بار زاماناۋي بالالار كٸتاپحاناسى اشىلادى. بۇل يدەيا سەگٸز الماتىلىق كٸتاپحاناشى ەستونييا, فينلياندييا جەنە شۆەتسييادا ٶتكەن «شەكاراسىز بٸلٸم» اتتى حالىقارالىق تاعىلىمدامادان كەيٸن تۋىندادى. بۇل تۋرالى الماتى قالاسى مەدەنيەت باسقارماسى مەلٸمدەدٸ- دەپ حابارلايدى Dalanews.kz
تالليندە ماماندار كٸتاپحانالاردىڭ بالاباقشالا جەنە مەكتەپتەرمەن ىقپالداسۋىن, ۇرپاقارالىق وقىتۋ ٷلگٸلەرٸن زەرتتەدٸ. حەلسينكيدە تسيفرلىق ٶزٸن-ٶزٸ قىزمەت كٶرسەتۋ جٷيەسٸن: سەنسورلى دٷڭگٸرشەكتەر مەن QR-گيدتەردٸ, OODI ۇلتتىق كٸتاپحاناسىنىڭ تەجٸريبەسٸن كٶردٸ. شۆەتسييادا عىلىم, تەحنولوگييا, ينجەنەرييا, ٶنەر جەنە ماتەماتيكانى بٸرٸكتٸرەتٸن STEAM-جوبالارىمەن تانىستى.
بۇل يدەيالار قازٸردٸڭ ٶزٸندە ەنگٸزٸلٸپ جاتىر: ورتا بٸلٸم بەرۋ ۇيىمدارىمەن ەرٸپتەستٸك اۋقىمى كەڭەيٸپ, بالالاردى مەكتەپ تابالدىرىعىن اتتاعان سەتتەن باستاپ كٸتاپ وقۋعا باۋلۋ مٷمكٸندٸگٸ ارتتى; ٷيٸرمە باعدارلامالارى جاڭارتىلدى; Alatau Creative Hub بازاسىندا وقۋ مەن شىعارماشىلىق كەزدەسۋلەرگە ارنالعان جازعى تەرراسا جاساقتالدى.
«بۇل تاعىلىمداما قىزمەتكەرلەرٸمٸزگە شابىت قانا ەمەس, ناقتى قۇرالدار دا بەردٸ. جاڭا فيليالدا ينتەراكتيۆتٸ ايماقتارى, تسيفرلىق سەرۆيستەرٸ جەنە شەبەرحانالارى بار زاماناۋي بالالار كٸتاپحاناسى اشىلادى. 1 قىركٷيەكتەن باستاپ بٸرٸنشٸ سىنىپ وقۋشىلارى ٷشٸن اشىق ەسٸك كٷندەرٸن ٶتكٸزەمٸز, ال اعا بۋىنعا ارنالعان كومپيۋتەرلٸك ساۋاتتىلىق باعدارلاماسىن كٷشەيتەمٸز. مۇنىڭ بەرٸ بٸزدٸڭ ماماندار ەستونييا, فينلياندييا جەنە شۆەتسييادا كٶرٸپ, بەيٸمدەلگەن شەشٸمدەر. قازٸردٸڭ ٶزٸندە بۇل جوبالار الماتىلىقتاردىڭ يگٸلٸگٸنە قىزمەت ەتە باستادى», — دەدٸ الماتى كٸتاپحانالارىنىڭ ديرەكتورى مەيرام بەكتەمباەۆ.
بۇل الماتىلىق كٸتاپحاناشىلاردىڭ العاشقى حالىقارالىق تاعىلىمداماسى ەمەس. بۇعان دەيٸن 22 مامان كورەيا رەسپۋبليكاسىندا, شۆەيتسارييا مەن گەرمانييادا بٸلٸم العان. ٷزدٸك تەجٸريبەلەر الماتى كٸتاپحانالارىن زاماناۋي بٸلٸم, تەحنولوگييا جەنە مەدەني قارىم-قاتىناس ورتالىقتارى رەتٸندە دامىتۋعا جول اشىپ وتىر.
بٷگٸندە قالا تۇرعىندارىنا تەۋلٸك بويى قىزمەت كٶرسەتەتٸن 24/7 كٸتاپحانا فيليالدارى, مەترو مەن ساۋدا ورتالىقتارىنداعى اۆتونومدى ٶزٸن-ٶزٸ قىزمەت كٶرسەتۋ بەكەتتەرٸ, تسيفرلىق كٸتاپ قورى بار almatylibrary.kz پورتالى, ينكليۋزيۆتٸ الاڭدار جەنە مازمۇندى مەدەني-تانىمدىق ٸس-شارالار باعدارلامالارى قولجەتٸمدٸ.
