الماتىدا تٷسٸرٸلٸم كەزٸندە 50 ادامنىڭ كٶمٸرتەك توتىعىنان ۋلانۋىنا ۆاگون ٸشٸندەگٸ جىلىتۋ جٷيەسٸ سەبەپ بولعان, دەپ حابارلايدى Dala News.
بۇل تۋرالى كٶلٸك مينيسترٸ نۇرلان ساۋرانباەۆ مەلٸمدەدٸ.
«تٷسٸرٸلٸم جٷرگٸزگەن كومپانييا جەكە ۆاگونمەن كەلٸسٸم جاساعان. ۆاگون ٸشٸندە سۋىق بولعاندىقتان, ولار جىلىتۋ جٷيەسٸن ورناتقان, الايدا ول قانداي دا بٸر جولمەن ٸشكە كٶمٸرتەك توتىعىن بٶلگەن. بۇل – تولىقتاي قولدان جاسالعان جٷيە. قازٸر تەرگەۋ اياقتالۋعا جاقىن, ۆاگون يەلەرٸ قاتاڭ جاۋاپكەرشٸلٸككە تارتىلادى», – دەدٸ مينيستر.
ونىڭ ايتۋىنشا, وقيعادان كەيٸن پويىز بٸردەن پايدالانۋدان شىعارىلعان.
«بۇل جەردە ناقتى زاڭ بۇزۋشىلىق بار. ۋلانۋ فاكتٸسٸ دەلەلدەنگەن, ەندٸ ونى قۇقىقتىق تۇرعىدا رەسٸمدەۋ قاجەت», – دەپ اتاپ ٶتتٸ ساۋرانباەۆ.
ەسكە سالساق, 2025 جىلدىڭ جەلتوقسانىندا الماتىدا پويىزداعى تٷسٸرٸلٸم كەزٸندە 50 ادام ۋلانعان. ونىڭ ٸشٸندە ەكٸ بالا جانساقتاۋ بٶلٸمٸنە تٷسكەن, تاعى توعىزى توكسيكولوگييا بٶلٸمٸنە جاتقىزىلعان.
