الماتىدا ۇلتتىق ۇلاننىڭ ەسكەري قىزمەتشٸلەرٸ جەڭٸستٸڭ 80 جىلدىعى قارساڭىندا 101 جاستاعى مايدانگەر وتستاۆكاداعى پولكوۆنيك قامبار سەرسەنوۆتٸڭ شاڭىراعىنا بارىپ, ارداگەردٸ مەرەيلٸ مەرەكەسٸمەن قۇتتىقتادى, دەپ حابارلايدى Dalanews.kz
كەڭەس وداعىنىڭ باتىرى, گۆاردييا پولكوۆنيگٸ باۋىرجان مومىشۇلى اتىنداعى 5571 ەسكەري بٶلٸمٸنٸڭ كومانديرٸ پولكوۆنيك ماقسات بايماعۇلوۆ باستاعان ۇلاندىقتار جەنە ارداگەرلەر كەڭەسٸنٸڭ تٶراعاسى زاپاستاعى مايور بەرٸك الماعامبەتوۆ قامبار سەرسەنوۆتٸڭ شاڭىراعىنا ارنايى بارىپ, ەسەلٸ ەڭبەگٸ مەن عيبراتتى عۇمىرىن ايرىقشا اتاپ, ارداگەردٸ بيىل اتالىپ ٶتەتٸن ۇلى جەڭٸستٸڭ 80 جىلدىعىمەن قۇتتىقتادى.
كەزدەسۋ بارىسىندا سوعىس ارداگەرٸ قامبار ەمٸرۇلىنا قازاقستان رەسپۋبليكاسى ۇلتتىق ۇلانى «وڭتٷستٸك» ٶڭٸرلٸك قولباسشىلىعى قولباسشىسىنىڭ جەنە ارداگەرلەر كەڭەسٸنٸڭ اتىنان العىس حات پەن سىي-سيياپات تابىستادى.
- بٷگٸن بٸز ۇلى وتان سوعىسىنىڭ ارداگەرٸ قامبار سەرسەنوۆ اقساقالدى قۇتتىقتاۋعا كەلدٸك. جىل سايىن ارداگەرگە قۇرمەت كٶرسەتۋ بٸزدٸڭ دەستٷرٸمٸزگە اينالدى. بٸز ولاردىڭ ەرلٸكتەرٸن ٷلگٸ ەتٸپ, ٶسكەلەڭ ۇرپاقتى تەربيەلەيمٸز. ٶكٸنٸشكە وراي, ارداگەرلەر ازايىپ كەلەدٸ. سوندىقتان بٸز ەرقاشان ولاردى نازاردان تىس قالدىرماي, قامقورلىق تانىتىپ كٶڭٸلدەرٸن اۋلاۋعا تىرىسامىز, - دەدٸ ەسكەري بٶلٸم كومانديرٸ پولكوۆنيك ماقسات بايماعۇلوۆ.
ٶر رۋحتى مايدانگەردٸڭ تەرەزەسٸ استىندا ەسكەري وركەستر اتى اڭىزعا اينالعان «جەڭٸس كٷنٸ», «سلاۆيانمەن قوشتاسۋ» مارشتارىن, سونداي-اق «سمۋگليانكا» جەنە «كاتيۋشا» كومپوزيتسييالارىن ورىندادى. ۇلاندىقتار سونداي-اق باتىر ارداگەردٸڭ ٷيٸنٸڭ الدىنان سالتاناتتى شەرۋمەن جٷرٸپ ٶتتٸ.
قامبار ەمٸرۇلى ەسكەرگە 1942 جىلى 12 تامىزدا شاقىرىلدى. ول سوعىس جىلدارى ٷش رەت جارالاندى. كالينين وبلىسىن, بەلورۋسسييانى, لاتۆييانى, ليتۆانى, پولشانى ازات ەتۋگە قاتىستى. شىعىس پرۋسسييا مەن گەرمانييا جەرٸندە سوعىستى. كەنيسبەرگتە جارالانۋىنا بايلانىستى دەموبيليزاتسييالاندى.
وتانعا سٸڭٸرگەن ەڭبەگٸ ٷشٸن قامبار سەرسەنوۆ I جەنە II دەرەجەلٸ ۇلى وتان سوعىسى, II جەنە III دەرەجەلٸ «داڭق», «قىزىل جۇلدىز», «جاۋىنگەرلٸك ەڭبەگٸ ٷشٸن», «كەنيسبەرگتٸ العانى ٷشٸن», «گەرمانييانى جەڭگەنٸ ٷشٸن» وردەن-مەدالدارىمەن ناگرادتالعان.
1980 جىلى ناۋرىزدا ٸٸم جٷيەسٸندە 33 جىل جۇمىس ٸستەگەننەن كەيٸن زەينەتكە شىقتى. دەمالىسقا شىققاننان كەيٸن دە قامبار ەمٸرۇلى الماتى ەنەرگەتيكا جٷيەسٸنە جۇمىسقا ورنالاستى, وندا تاعى ون سەگٸز جىل جۇمىس ٸستەدٸ.
سەرسەن قامبار ەمٸرۇلى – قر ٸٸم, مەدەۋ اۋداندىق ارداگەرلەر كەڭەسٸنٸڭ جەنە ەنەرگەتيكا جٷيەسٸنٸڭ قۇرمەتتٸ ارداگەرٸ.
