الماتىدا ءتۇن ىشىندە قويمادا الاپات ءورت بولدى، دەپ حابارلايدى Dalanews.kz.
7 قاڭتاردا تۇندە سولتۇستىك اينالىم تاسجولىندا ورنالاسقان قويمادا ءورت شىققان. وقيعا ورنىندا قۇتقارۋشىلار جوعارى دارەجەدە جۇمىس ىستەگەن. ءورت ءسوندىرۋ وقپاندارى بەرىلىپ، اۆتوسيستەرنالار ءورت ءسوندىرۋ گيدرانتتارىنا قوسىلعان.
زارداپ شەككەندەر تۋرالى اقپارات 112 جەلىسىنە تۇسپەگەن.
"وقيعا ورنىندا ءورت ءسوندىرۋ شتابى قۇرىلدى، ءورتتى سوندىرۋگە 85 ادام مەن 22 تەحنيكا جۇمىلدىرىلدى"، - دەپ جازىلعان حابارلامادا.
تجم كۇشتەرىمەن ءورت ءتۇنى بويى 1900 شارشى مەتر الاڭدا سوندىرىلگەن.
