الماتىدا تۇرعىن ۇيلەرگە قاراي لاي كوشكىنى جۇرگەن، - دەپ حابارلايلى Dalanews.kz.

تەحنوگەندىك سيپاتتاعى توپىراقتىڭ ىلعالدانۋىنان كولەمى 3200 تەكشە مەتر لاي تۇسكەن. ەكى جەكە تۇرعىن ۇيگە، ونىڭ ىشىندە بىرەۋىنە ءىشىنارا زاقىم كەلگەن.

الدىن الا اقپاراتقا سايكەس، ۇيلەردە ءتورت ادام، ونىڭ ىشىندە ەكى بالا بولعان.

وقيعا ورنىندا "قازسەلدەنقورعاۋ" مم، الماتى قالاسىنىڭ "109 قۇتقارۋ قىزمەتى" مم، رەسپۋبليكالىق جەدەل-قۇتقارۋ جاساعىنان، الماتى قالاسى تجد، تجم 28237اسكەري بولىمىنەن، جەدەل مەديسينالىق كومەك بريگاداسىنان، مەدەۋ اۋدانىنىڭ اكىمدىگىنەن 160-تان استام ادام جانە 30 بىرلىك تەحنيكا جۇمىلدىرىلدى.

جاقىن ماڭداعى ۇيلەردىڭ تۇرعىندارى ەۆاكۋاسيالاندى. ولار № 47 مەكتەپكە ورنالاستىرىلدى. ولارعا تۇنەۋ ورنى، جىلى شاي جانە باسقا دا قاجەتتى كومەك كورسەتىلدى. جينالۋ پۋنكتىنە ورنالاستىرىلعاننان كەيىن بىرنەشە ساعات وتكەن سوڭ، تۇرعىندار ءوز ەركىمەن دوستارى مەن تۋىستارىنا كەتتى.

دارىگەرلەر بريگاداسى كەزەكشىلىكتى جالعاستىرىپ جاتىر. وقيعا ورنىندا تجد پسيحولوگيالىق توبى جۇمىس ىستەپ جاتىر. ىقتيمال زارداپ شەككەندەردى ىزدەۋ جالعاسۋدا. ۇيلەردىڭ جاقىن ورنالاسۋى، تەحنيكانى پايدالانۋ مۇمكىندىگىنىڭ بولماۋى جۇمىستاردى قيىنداتىپ وتىر.