Almatyda turǵyn úilerge qarai lai kóshkini júrgen, - dep habarlaily Dalanews.kz.
Tehnogendik sipattaǵy topyraqtyń ylǵaldanýynan kólemi 3200 tekshe metr lai túsken. Eki jeke turǵyn úige, onyń ishinde bireýine ishinara zaqym kelgen.
Aldyn ala aqparatqa sáikes, úilerde tórt adam, onyń ishinde eki bala bolǵan.
Oqiǵa ornynda "Qazseldenqorǵaý" MM, Almaty qalasynyń "109 qutqarý qyzmeti" MM, Respýblikalyq jedel-qutqarý jasaǵynan, Almaty qalasy TJD, TJM 28237áskeri bóliminen, jedel meditsinalyq kómek brigadasynan, Medeý aýdanynyń ákimdiginen 160-tan astam adam jáne 30 birlik tehnika jumyldyryldy.
Jaqyn mańdaǵy úilerdiń turǵyndary evakýatsiialandy. Olar № 47 mektepke ornalastyryldy. Olarǵa túneý orny, jyly shai jáne basqa da qajetti kómek kórsetildi. Jinalý pýnktine ornalastyrylǵannan keiin birneshe saǵat ótken soń, turǵyndar óz erkimen dostary men týystaryna ketti.
Dárigerler brigadasy kezekshilikti jalǵastyryp jatyr. Oqiǵa ornynda TJD psihologiialyq toby jumys istep jatyr. Yqtimal zardap shekkenderdi izdeý jalǵasýda. Úilerdiń jaqyn ornalasýy, tehnikany paidalaný múmkindiginiń bolmaýy jumystardy qiyndatyp otyr.
