الماتىداعى جوعارى وقۋ ورىندارىنىڭ بىرىندە ستۋدەنت وقىتۋشىعا پىشاقپەن شابۋىل جاساعان. اتالعان وقيعادان كەيىن جابىرلەنۋشى جۇمىسقا قايتا ورالدى. بۇل تۋرالى عىلىم جانە جوعارى ءبىلىم ۆيسە-مينيسترى گۇلزات كوبەنوۆا مالىملەدى، دەپ حابارلايدى Dalanews.kz.
رەسمي ەمەس دەرەكتەردە قاقتىعىس ALT University-دە باعا قويۋ ماسەلەسى بويىنشا تۋىنداعان دەپ ايتىلادى. دەگەنمەن كەيبىر اقپارات كوزدەرى ستۋدەنتتىڭ باسقا كافەدرادا وقيتىنىن جانە بۇرىن وقىتۋشىمەن بايلانىسقا تۇسپەگەنىن اتاپ وتكەن.
ۆيسە-مينيستر بۇل وقيعانى "قابىلداۋعا بولمايتىن جاعداي" دەپ باعالاپ، سول جەردە بولعان ادامداردىڭ دۇرىس ارەكەت ەتكەنىن اتاپ ءوتتى.
پوليسيا شابۋىل فاكتىسى بويىنشا قىلمىستىق ءىس قوزعاعان. كۇدىكتى ۇستالىپ، ۋاقىتشا ۇستاۋ يزولياتورىنا قامالدى. ستۋدەنتتىڭ وقۋ ورنىنان شىعۋ ماسەلەسى تەرگەۋ اياقتالعاننان كەيىن قارالادى.
