وسىناۋ ۇلتتىق قۇندىلىقتى دامىتىپ كەلە جاتقان ىسمەرلەر ارقىلى اتا-بابالارىمىزدىڭ كوزىندەي بولعان ونەر ومىرشەڭ بولىپ، بۇگىنگى كۇنمەن ۇندەسىپ وتىر.
ءوزىنىڭ الەۋمەتتىك، ۇزاق مەرزىمدى جوبالارىنا ۇنەمى قولداۋ ءبىلدىرىپ كەلە جاتقان «شيەۆرون» كومپانياسى ون جىلدان استام ۋاقىت وسى جوبانى قولداپ كەلەدى.
الماتى تاۋەرس كەشەنىندە «شەبەر-2017» قازاقستان قولونەرشىلەرىنىڭ رەسپۋبليكالىق بايقاۋىنا قاتىسقان شەبەر قولدى، ىسمەرلەردى ماراپاتتاۋ ءراسىمى ءوتتى. ءدال وسى كۇنى بايقاۋ جەڭىمپازدارىنىڭ جۇمىستارى قويىلعان كورمە دە ءوز جۇمىسىن باستادى. «شيەۆرون» كومپانياسىنىڭ وكىلى لەيلا ايتمۇحانوۆا 2009 جىلدان بەرى وتكىزىلىپ كەلە جاتقان جوبانى ەل قولونەرشىلەرىنىڭ اسىعا كۇتەتىنىن ايتا كەلە، قازاقستانداعى قولونەردى دامىتۋ جوباسى الەۋمەتتىك ينۆەستيسيالاردىڭ ەڭ قوماقتىسى ەكەندىگىن جەتكىزدى.
جالپى، «شەبەر» جوباسى 2006 جىلدان باستاپ «شيەۆرون» كومپانياسىنىڭ باستاماسىمەن ءارى قارجىلاي قولداۋىمەن تۇراقتى جۇزەگە اسىپ كەلەدى.
بۇل جوبا «شيەۆروننىڭ» «قازاقستانداعى قولونەر جانە ءداستۇرلى كاسىپشىلىكتى جاڭعىرتۋ» باعدارلاماسىنىڭ ءبىر بولىگى ىسپەتتى.
تۇساۋى كەسىلگەن جوبانى قازاقستان قولونەرشىلەر وداعى، Our Herءىtage قوعامدىق قورىمەن، ق ر مادەنيەت جانە اقپارات مينيسترلىگىمەن «ورتالىق ازيانىڭ ەۋرازيا قورلارىمەن بىرلەسىپ جۇزەگە اسىرۋدا. وسى جوبانىڭ قول جەتكىزگەن ناتيجەسى نەدە؟ ەڭ باستىسى، وسى جىلدار ىشىندە قازاقستان قولونەرشىلەر وداعى قۇرىلدى. بيىلعى جىلى وداق ءوزىنىڭ بەسجىلدىعىن اتاپ وتۋدە. ءدال ءقازىر قولونەرشىلەر وداعى مادەني جانە رۋحاني قۇندىلىقتاردى، ەلدىڭ تاريحي، ەتنوگرافيالىق مۇرالارىن كەلەشەك ۇرپاققا جەتكىزۋ ءۇشىن ايانباي قىزمەت كورسەتىپ وتىر.
بيىلعى جىلى «شەبەر» بايقاۋىنا قاتىسۋ ءۇشىن ەلىمىزدىڭ ءار قيىرىنان 90 ءوتىنىش كەلىپ ءتۇستى.
كەلىپ تۇسكەن جۇمىستاردىڭ بارلىعىن دا جۇلدەگە لايىقتى دەپ ايتۋعا بولادى. دەگەنمەن، بايقاۋدىڭ وزىندىك تالابى، شارتى بار. جەڭىمپازدارعا دەپ بەلگىلەنگەن 20 جۇمىستىڭ سانى ارتا ءتۇسىپ، 36 جۇمىس ەڭ ۇزدىك دەپ تانىلدى.
جەڭىمپازدار «مۇراگەر»، «جوعارى شەبەرلىك»، «اسىل ۇستاز»، «جوعارى ساپا»، «جاڭاشىلدىق»، «دارىندى باستاۋ»، «ءتولتۋمالىق»، «ەكوديزاين»، «ۇلتتىق مادەني برەند»، «قازاقستاندىق ۇلتتىق كادەسىي»، «وزات ىسكەر» اتتى نوميناسيالار بويىنشا ماراپاتتالدى. ال ەڭ ۇزدىك شەبەرگە قازاقستان قولونەرشىلەر وداعىنىڭ باس ماراپاتى – «حاس شەبەر» تابىستالدى.
قازاقستان قولونەرشىلەر وداعىنىڭ ءتورايىمى ايجان بەكقۇلوۆانىڭ ايتۋىنشا، جىل ساناپ شەبەرلەر قاتارى ارتىپ، ۇلتتىق ونەر دامىپ كەلەدى. اسىرەسە، كيىز، زەرگەرلىك، اعاش ويۋ، تەمىر، توقىماشىلىق پەن ءداستۇرلى كيىمدەرگە دەگەن حالىقتىڭ قىزىعۋشىلىعى مەن سۇرانىسى ارتا تۇسكەن.
دەرەككوز: qamshy.kz
