تىل ەڭبەككەرى، الماتىداعى ناۋرىزباي اۋدانىنىڭ 99 جاستاعى تۇرعىنى كاميلا قاسىموۆا قازاقستاندا اتوم ەلەكتر ستانسياسىن سالۋ ماسەلەسى بويىنشا رەسپۋبليكالىق رەفەرەندۋمعا جەكە ءوزى قاتىستى، – دەپ حابارلايدى Dalanews.kz.
كاميللا قاسىموۆا قازاق وسىمدىكتەردى قورعاۋ جانە كارانتين عىلىمي-زەرتتەۋ ينستيتۋتىندا ورنالاسقان № 511 سايلاۋ ۋچاسكەسىنە باردى.
– بۇگىن ەل ءۇشىن تاريحي كۇن. مەن اعا بۋىن وكىلى رەتىندە رەفەرەندۋمعا قاتىسىپ، ءوز داۋىسىمدى بەرۋدى شەشتىم. بۇل ءبىزدىڭ بالالارىمىز بەن نەمەرەلەرىمىزدىڭ بولاشاعى ءۇشىن وتە ماڭىزدى، – دەدى كەيۋانا.
ەستەرىڭىزگە سالا كەتەيىك، 6 قازاندا قازاقستان اۋماعىندا اەس سالۋ ماسەلەسى بويىنشا رەسپۋبليكالىق رەفەرەندۋم وتۋدە. الماتى اكىمى ەربولات دوسايەۆ جۇبايىمەن بىرگە №48 مەكتەپ-ليسەيدەگى №388 سايلاۋ ۋچاسكەسىنە كەلىپ، العاشقىلاردىڭ ءبىرى بولىپ داۋىس بەرۋگە قاتىستى.
الماتىلىقتار تۇرعىلىقتى جەرى بويىنشا سايلاۋ ۋچاسكەلەرىنە بارىپ، ساعات 20.00-گە دەيىن ءوز داۋىستارىن بەرە الادى.
