الماتىدا قىلمىستىق توپ مەملەكەتتٸك قۇرىلىس تەندەرلەرٸندە كومپانييالاردىڭ رەيتينگٸن ٷش جىل بويى قولدان كٶتەرٸپ, سول ارقىلى ميلليونداعان تابىس تاپقان. جالعان سحەمامەن اينالىسقاندار قىمبات كٶلٸكتەر مەن ٷيلەر ساتىپ الىپ ٷلگەرگەن, دەپ حابارلايدى Dalanews.kz.
قارجىلىق مونيتورينگ اگەنتتٸگٸنٸڭ مەلٸمەتٸنشە, ۆەدومستۆونىڭ الماتى قالاسى بويىنشا دەپارتامەنتٸ اتالعان الاياقتىق ٸسكە قاتىستى تٶرت كٷدٸكتٸگە قاتىستى سوتقا دەيٸنگٸ تەرگەۋ جٷرگٸزٸپ جاتىر. تەرگەۋ دەرەكتەرٸنە سەيكەس, 2021 جىلدان 2024 جىلعا دەيٸن ولار مەملەكەتتٸك ساتىپ الۋلاردا تٷرلٸ ايلا-شارعىلار ارقىلى زاڭ بۇزۋشىلىقتار جاساعان.
كٷدٸكتٸلەر توبى جالعان قۇجاتتار ارقىلى "جالعان" كومپانييالار اتىنان قۇرىلىس سالاسىنداعى تەندەرلەرگە قاتىسىپ, مەردٸگەر كومپانييالاردىڭ رەيتينگٸن قولدان جوعارىلاتىپ وتىرعان. بۇل قىزمەتٸ ٷشٸن ۇيىمداستىرۋشىلار ەربٸر ساتىپ الۋدان 500 مىڭنان 1,5 ميلليون تەڭگەگە دەيٸن "كٶلەڭكەلٸ" سىياقى الىپ وتىرعان.
اگەنتتٸك ٷش جىلدىڭ ٸشٸندە ولاردىڭ جالپى 664 ميلليون تەڭگە زاڭسىز پايدا تاپقانىن انىقتاعان. بۇل قاراجاتقا كٷدٸكتٸلەر 11 اۆتوكٶلٸك پەن 12 جىلجىمايتىن مٷلٸك نىسانىن (ونىڭ ٸشٸندە بەس تۇرعىن ٷي مەن جەتٸ جەر تەلٸمٸن) ساتىپ العان.
تەرگەۋ بولجامى بويىنشا, كٷدٸكتٸلەردٸڭ ەرەكەتٸ سالدارىنان جالپى سوماسى 70 ميلليارد تەڭگەنٸ قۇرايتىن مەملەكەتتٸك كەلٸسٸمشارتتار زاڭسىز جاسالعان.
تٶرت ادام ۇستالىپ, قازٸرگٸ ۋاقىتتا ۋاقىتشا تەرگەۋ يزولياتورىنا قامالعان. تەرگەۋ جالعاسىپ جاتىر. قىلمىستىق ٸستٸڭ باسقا مەلٸمەتتەرٸ پروتسەسسۋالدىق تالاپتارعا ساي جارييا ەتٸلمەيدٸ.
