بۇل كۇنى الاڭعا جينالعان كورەرمەن زاماناۋي قازاق مۋزىكاسىنىڭ ءۇش بۋىنىنىڭ ەڭ جارقىن وكىلدەرى – «مۋزارت»، قايرات نۇرتاس جانە ءسادرادديننىڭ ءبىر ساحنادا ونەر كورسەتكەنىنىڭ كۋاسى بولماق. بۇل ءۇش مىقتىنىڭ ۇلكەن ساحناداعى العاشقى كەزدەسۋى. ەلدىڭ سۇيىكتىلەرى، ميلليونداعان تىڭدارمانداردىڭ كۋميرى، ۋاقىتقا باعىنبايتىن اندەردىڭ ورىنداۋشىلارى قايتالانباس ەموسيا مەن اتموسفەرا سىيلاۋعا دايىن.
وسى جەكسەنبىدە كبتۋ الدىنداعى الاڭدا كەلۋشىلەر ەرەكشە الماتىلىق vibeء-تى سەزىنە الاتىن بولادى. بۇل كەش شىعارماشىلىقتىڭ، ەركىندىكتىڭ، جاستىقتىڭ، ساپالى مۋزىكانىڭ، جارقىن شوۋدىڭ ەستەلىگى بولماق.
وعان قوسا، مۋزىكا سۇيەر قاۋىمنىڭ نازارىنا سوناۋ 80ء-شى جىلداردان باستاپ بۇگىنگى كۇنگە دەيىن ەل اۋزىنان تۇسپەي جۇرگەن حيت اندەر ۇسىنىلماق. ونى ورىندايتىندار:
«URKER» pop توبى، «ميۋزيكولا» توبىنىڭ ءسوليسى كارينا ابدۋللينا، «اي،اي،اي اق ساۋلەم» ءانىنىڭ ورىنداۋشىسى وكتەم التايەۆ؛
قازاق ساحناسىنىڭ جارقىن وكىلدەرى سايات مەدەۋوۆ، ءمادينا ءسادۋاقاسوۆا، باقىت شادايەۆالار؛
ەسترادا باعىتىن جانداندىرىپ جۇرگەن انشىلەر عازيزحان شەكەربەكوۆ، ءابدىجاپپار ءالقوجا، باعلان ءابدىرايىموۆ، نۇرجان حالجان، ءمولدىر اۋەلبەكوۆالار؛
ساحنادا وزىندىك ورنى بار بەركۋت پەن ايشا، بەيبىت قورعان؛
زاماناۋي تولقىننىڭ وكىلدەرى تۇرار، ماچەنسكيي، AyaFunk، يلحان بار.
سوڭعى جىلدارى قارقىندى دامىپ جاتقان قازاق مۋزىكاسىنىڭ تىڭدارمانعا بەرەرى كوپ. قانشاما ءان جاڭادان تۋىپ، قانشاما ءان قايتا جاڭاردى، كورەرمەن كوڭىلىنەن ءوز ورنىن تاپتى. «ساعىندىم الماتىمدى» سول قالىپتاسقان تەندەنسيانى ايقىنداپ كورسەتەدى. ويتكەنى، الماتى - مادەنيەتىمىزدىڭ وتانى، مۋزىكاداعى ترەندسەتتەر، شىعارماشىلىقتىڭ باستاۋ الاتىن مەكەنى. مەرەكە الماتى قالاسى اكىمدىگىنىڭ ۇيىمداستىرۋىمەن وتەدى.
وسىنداي مەرەكەلىك كەشتىڭ كۋاسى بولۋعا شاقىرامىز.
وتەتىن جەرى مەن ۋاقىتى:
الماتى قالاسى، تولە بي – ابىلاي حان كوشەلەرىنىڭ قيىلىسىنداعى استانا الاڭى
كونسەرت open air فورماتىندا استىندا وتەدى.
ساعات 17:00-دە باستالاتىن كەش تۇنگى 23:00-گە دەيىن جالعاسادى.
ب ا ق ءۇشىن بايلانىس ءنومىرى:
مەرۋەرت دەربىسبايەۆا، +7 705 372 7755
