Almatyda Qairat Nurtas, Sadraddin, MýzArt tobynyń qatysýymen tanymal ánder festivali ótedi
Bul kúni alańǵa jinalǵan kórermen zamanaýi qazaq mýzykasynyń úsh býynynyń eń jarqyn ókilderi – «MýzArt», Qairat Nurtas jáne Sadraddinniń bir sahnada óner kórsetkeniniń kýási bolmaq. Bul úsh myqtynyń úlken sahnadaǵy alǵashqy kezdesýi. Eldiń súiiktileri, milliondaǵan tyńdarmandardyń kýmiri, ýaqytqa baǵynbaityn ánderdiń oryndaýshylary qaitalanbas emotsiia men atmosfera syilaýǵa daiyn.
Osy jeksenbide KBTÝ aldyndaǵy alańda kelýshiler erekshe almatylyq vibe-ti sezine alatyn bolady. Bul kesh shyǵarmashylyqtyń, erkindiktiń, jastyqtyń, sapaly mýzykanyń, jarqyn shoýdyń esteligi bolmaq.
Oǵan qosa, mýzyka súier qaýymnyń nazaryna sonaý 80-shi jyldardan bastap búgingi kúnge deiin el aýzynan túspei júrgen hit ánder usynylmaq. Ony oryndaityndar:
«URKER» pop toby, «Miýzikola» tobynyń solisi Karina Abdýllina, «Ai,ai,ai Aq sáýlem» ániniń oryndaýshysy Óktem Altaev;
Qazaq sahnasynyń jarqyn ókilderi Saiat Medeýov, Mádina Sádýaqasova, Baqyt Shadaevalar;
Estrada baǵytyn jandandyryp júrgen ánshiler Ǵazizhan Shekerbekov, Ábdijappar Álqoja, Baǵlan Ábdiraiymov, Nurjan Haljan, Móldir Áýelbekovalar;
Sahnada ózindik orny bar Berkýt pen Aisha, Beibit Qorǵan;
Zamanaýi tolqynnyń ókilderi Turar, Machenskii, AyaFunk, Ilhan bar.
Sońǵy jyldary qarqyndy damyp jatqan qazaq mýzykasynyń tyńdarmanǵa bereri kóp. Qanshama án jańadan týyp, qanshama án qaita jańardy, kórermen kóńilinen óz ornyn tapty. «Saǵyndym Almatymdy» sol qalyptasqan tendentsiiany aiqyndap kórsetedi. Óitkeni, Almaty - mádenietimizdiń otany, mýzykadaǵy trendsetter, shyǵarmashylyqtyń bastaý alatyn mekeni. Mereke Almaty qalasy Ákimdiginiń uiymdastyrýymen ótedi.
Osyndai merekelik keshtiń kýási bolýǵa shaqyramyz.
Ótetin jeri men ýaqyty:
Almaty qalasy, Tóle bi – Abylai han kósheleriniń qiylysyndaǵy Astana alańy
Kontsert open air formatynda astynda ótedi.
Saǵat 17:00-de bastalatyn kesh túngi 23:00-ge deiin jalǵasady.
BAQ úshin bailanys nómiri:
Merýert Derbisbaeva, +7 705 372 7755
