Túni boiy áleýmettik jelide burynǵy jubaiymen aradaǵy janjal týraly ashyq aityp, birneshe storis jariialaǵan Elmira búgin sot otyrysynda isti jabyq qaraý týraly Erbolat Janabylovtyń ótinishin qoldady, dep habarlaidy dalanews.kz.
Astanada Erbolat Janabylovqa qatysty sot otyrysyna jýrnalister de keldi. Alaida otyrys barysynda Janabylov protsesti BAQ ókilderi úshin jabý týraly ótinish bildirdi. Elmira bul ótinishke qarsylyq bildirmei, ony qoldady.
Nátijesinde sot isti jabyq rejimde qaraý týraly sheshim qabyldady. Osydan keiin sotqa kelgen jýrnalister protsestiń ári qaraiǵy barysyna qatysa almaityn boldy.
Sotta isti jabyq qaraý qajettiligi otbasylyq jaǵdailarǵa bailanysty ekeni aityldy.
Alaida osy jerde zańdy suraq týyndaidy: eger bul tek otbasylyq másele bolsa, onda nege oqiǵa túni boiy áleýmettik jelide jariia talqylandy?
Elmira buǵan deiin áleýmettik jelidegi storisterinde burynǵy jubaiymen aradaǵy jaǵdai týraly ashyq aityp, kópshiliktiń nazaryn aýdarǵan edi. Al búgin sol istiń sotta qaralýyn BAQ ókilderinen jabýdy ózi qoldady.
Iaǵni áleýmettik jelide barlyǵy ashyq aitylǵanymen, másele sotqa jetken kezde protsess jabyq esiktiń ar jaǵynda jalǵasatyn boldy.
Suraq bireý: onda jýrnalisterdi sotqa shaqyrýdyń, búkil jaǵdaidy jariia talqylaýdyń máni nede edi?
