قاڭتار وقيعاسى كەزىندە قالالىق اكىمدىك عيماراتى مەن پرەزيدەنت رەزيدەنسياسىن باسىپ العاندار سوتتالدى، - دەپ حابارلايدى Dalanews.kz.
الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا 11 سوتتالۋشىعا، جاپپاي تارتىپسىزدىكتەر مەن شابۋىلدارعا قاتىسقاندارىنا، كۇزەتىلەتىن وبەكتىلەر جانە ولاردى باسىپ الۋ، سونداي-اق بيلىك وكىلدەرىنە قارسى زورلىق-زومبىلىق قولدانۋعا (272-باپ،269-1-باپ 3-باپ 380-باپ) قاتىستى قىلمىستىق ءىس قارالدى.
2022 جىلدىڭ 4-5 قاڭتارىندا سوتتالۋشىلار جاپپاي تارتىپسىزدىكتەرگە قاتىسىپ، قورعالاتىن وبەكتىلەرگە – الماتى قالاسىنىڭ اكىمدىگىنە، پرەزيدەنت رەزيدەنسياسىنا، پوليسيا بولىمىنە زاڭسىز كىردى. سوتتالۋشىلاردىڭ قىلمىستىق ارەكەتتەرى سالدارىنان مۇلىكتەر قيراپ، زارداپتارى اۋىر بولعان.
تارتىپسىزدىك بارىسىندا ءۇش سوتتالۋشى قوعامدىق ءتارتىپ ورناتۋ جونىندە شارالار قابىلداعان اسكەري قىزمەتشىلەر مەن قۇقىق قورعاۋ ورگاندارىنىڭ قىزمەتكەرلەرىنە زورلىق-زومبىلىق كورسەتتى.
ال، سوتتالۋشىلاردىڭ بىرەۋى ەكى اسكەري كۋرسانتتى تۇتقىنعا الىپ، ولارعا جەڭىل دەنە جاراقاتتارىن كەلتىرگەن. سوتتالۋشىلار كىناسىن جارتىلاي مويىندادى.
قانداي جازا تاعايىندالدى؟
بۇل قىلمىستار اۋىر جانە اسا اۋىر قىلمىستار ساناتىنا جاتادى.جازا تاعايىنداۋ كەزىندە سوت جاۋاپكەرشىلىكتى جەڭىلدەتەتىن جاعدايلاردى ەسكەردى: سوتتالۋشىلاردىڭ كامەلەتكە تولماعان بالالارىنىڭ بولۋىن، دەنساۋلىق جاعدايلارىن، وتباسىلىق جاعدايلارىن جانە بۇرىن سوتتى بولماعاندارىن.
جوعارىدا ايتىلعانداردى ەسكەرە وتىرىپ، سوت 10 سوتتالۋشىنى قك 272-بابىنىڭ 2-بولىگى، 380-بابىنىڭ 3-بولىگى، 269-بابىنىڭ 3-بولىگى-1)، 4)، تارماقشالارى بويىنشا كىنالى دەپ تاپتى. "راقىمشىلىق تۋرالى" ق ر زاڭى قولدانىلا وتىرىپ، ولاردىڭ ءارقايسىسى 1 جىلعا 9 ايعا باس بوستاندىعىنان ايىرىلدى.ءبىر سوتتالۋشى قك 272-بابىنىڭ 2-بولىگى، 380-بابىنىڭ 3-بولىگى، 1)، 4) تارماقتارى، 269-1-بابىنىڭ 3-بولىگى، 261-بابىنىڭ 3-بولىگى بويىنشا كىنالى دەپ تانىلدى، وعان "راقىمشىلىق تۋرالى" ق ر زاڭى قولدانىلا وتىرىپ، 4 جىلعا باس بوستاندىعىنان ايىرۋ جازاسى قولدانىلدى.
ۇكىم زاڭدى كۇشىنە ەنگەن جوق.
