داڭق مەموريالىنا جۇزدەگەن اسكەري جانە ىشكى ىستەر ورگاندارىنىڭ وكىلدەرى، سونداي-اق ولاردىڭ جۇبايلارى، بالالارى، اتا-انالارى كەلدى. جينالعان جۇرتشىلىق كۇن سايىن بەيبىتشىلىكتى ساقتاۋ ءۇشىن ءوز ومىرلەرىن قاتەرگە تىگۋگە ءازىر وتان قورعاۋشىلاردىڭ ارەكەتىنە سۇيسىنە قاراپ وتىردى. الاڭعا ءتۇرلى سوعىستارعا قاتىسقان ارداگەرلەر، قازىرگى وتان قورعاۋشىلار جانە ءالى وقىپ جۇرگەن جاس جاۋىنگەرلەر جينالدى. ۇيىمداستىرۋشىلار وتان قورعاۋشىلار كۇنى مەن جەڭىس كۇنىنىڭ جاقىندىعى ۇرپاقتار ساباقتاستىعىن بەينەلەيتىنىن اتاپ ءوتتى.
وفيسەرلەر ءۇيىنىڭ جانىندا اسكەري قىزمەتشىلەر مەن قۇقىق قورعاۋ ورگاندارىنىڭ وكىلدەرىن ماراپاتتاۋ ءراسىمى ءوتتى. ماراپاتتاردى قالا اكىمىنىڭ ورىنباسارى ارمان قىرىقبايەۆ تاپسىردى.
"بۇگىن ءبىز وسىنداي جارقىن جانە شۋاقتى كۇندە وتان قورعاۋشىلارىمىزدى بۇلتسىز كوك اسپان استىندا قۇرمەتتەيتىن ۇلى مەرەكە. ءبىزدىڭ اسكەري، ءتارتىپ ساقشىلارى مەن ارنايى قىزمەتتەردىڭ باستى ميسسياسى – ەلدە بەيبىتشىلىك پەن تىنىشتىقتى ساقتاۋ. كۇش قۇرىلىمدارى-بۇل ءبىزدىڭ شەكارامىزدىڭ قاۋىپسىزدىگى. ءارى قاراي دا سولاي بولسىن"، - دەدى ارمان قىرىقبايەۆ.
العىس حاتتاردى قورعانىس دەپارتامەنتى باستىعىنىڭ ورىنباسارى – اسكەري قۇرام باسقارماسىنىڭ باستىعى گاۋحار سىرلىبايەۆا؛ قورعانىس دەپارتامەنتىنىڭ جوسپارلاۋ جانە ۇيلەستىرۋ ءبولىمىنىڭ باستىعى جاسلان دالبايەۆ؛ ساعادات نۇرماعامبەتوۆ اتىنداعى قۇرلىق اسكەرلەرى اسكەري ينستيتۋتىنىڭ اسكەري ديريجەرى - وركەستر باسشىسى، اعا لەيتەنانت ادي قابدراحمانوۆ؛ مەملەكەتتىك ءورت باقىلاۋ باسقارماسى تەحنيكالىق رەتتەۋ توبىنىڭ باس مامانى، ازاماتتىق قورعاۋ مايورى اسەت مايلىبايەۆ؛ الماتى قالاسى پروكۋراتۋراسى اپپاراتتىق باسقارماسىنىڭ اعا پروكۋرورى، 1-سىنىپتى زاڭگەر نۇرسۇلتان جيدەلباي؛ كريمينالدىق پوليسيا ءبولىمىنىڭ جەدەل ۋاكىلى، پوليسيا مايورى مۇرات رىسقۇلبەكوۆ؛ الماتى قالاسى بويىنشا ۇقك دەپارتامەنتىنىڭ جەدەل قىزمەتكەرى ايبەك سادىحان؛ الماتى قالاسى مامانداندىرىلعان كۇزەت قىزمەتى باسقارماسىنىڭ ق ر ءىىم ۆزۆود كومانديرى، پوليسيا اعا لەيتەنانتى ايدوس جانكۋشيكوۆ؛ قىلمىستىق قۇقىق، قىلمىستىق پروسەسس جانە كريمينولوگيا كافەدراسىنىڭ مەڭگەرۋشىسى م. ەسبولاتوۆ اتىنداعى ق ر ءىىم الماتى اكادەمياسىنىڭ زاڭ عىلىمدارىنىڭ كانديداتى، پروفەسسور، پوليسيا پولكوۆنيگى ەستاي ابىلەزوۆ؛ ەكونوميكالىق تەرگەۋ جانە ينسپەكسيالار دەپارتامەنتىنىڭ اسا ماڭىزدى ىستەر جونىندەگى جەدەل ۋاكىلى جاقسىلىق مىرزاحان الدى. سونىمەن قاتار، پولكوۆنيك رادجان جانىسوۆ "قۇرمەت" وردەنىمەن، ال پودپولكوۆنيك دانيار كارمانوۆ "ايبىن"وردەنىمەن ماراپاتتالدى.
مەرەكەنىڭ رەسمي بولىگى ساعادات نۇرماعامبەتوۆ اتىنداعى قۇرلىق اسكەرلەرى اسكەري ينستيتۋتىنىڭ كۋرسانتتارىنىڭ قارۋ-جاراقپەن ساپتىق جاتتىعۋلارىمەن اياقتالدى. اسكەريلەردىڭ ارەكەتتەرىن باقىلاي وتىرىپ، ءتىپتى اتا-انالارىمەن بىرگە راسىمگە كەلگەن كىشكەنتاي بالالار دا ولارمەن بىرگە جاتتىعۋلار جاساۋعا تىرىستى. سودان كەيىن قازاقستاندىق ەسترادا جۇلدىزدارىنىڭ قاتىسۋىمەن مەرەكەلىك كونسەرت باستالدى. وتان قورعاۋشىلارعا il canto ۆوكالدىق كۆارتەتى، باعدات ءابدىرايىموۆ، تولقىن زابيروۆا، ءجاميلا سەركەبايەۆا جانە باسقا دا كوپتەگەن ۇجىمدار مۋزىكالىق سىيلىق جاسادى.
