Dańq memorialyna júzdegen áskeri jáne ishki ister organdarynyń ókilderi, sondai-aq olardyń jubailary, balalary, ata-analary keldi. Jinalǵan jurtshylyq kún saiyn beibitshilikti saqtaý úshin óz ómirlerin qaterge tigýge ázir Otan qorǵaýshylardyń áreketine súisine qarap otyrdy. Alańǵa túrli soǵystarǵa qatysqan ardagerler, qazirgi Otan qorǵaýshylar jáne áli oqyp júrgen jas jaýyngerler jinaldy. Uiymdastyrýshylar Otan qorǵaýshylar kúni men Jeńis kúniniń jaqyndyǵy urpaqtar sabaqtastyǵyn beineleitinin atap ótti.
Ofitserler úiiniń janynda áskeri qyzmetshiler men quqyq qorǵaý organdarynyń ókilderin marapattaý rásimi ótti. Marapattardy Qala ákiminiń orynbasary Arman Qyryqbaev tapsyrdy.
"Búgin biz osyndai jarqyn jáne shýaqty kúnde Otan qorǵaýshylarymyzdy bultsyz kók aspan astynda qurmetteitin uly mereke. Bizdiń áskeri, tártip saqshylary men arnaiy qyzmetterdiń basty missiiasy – elde beibitshilik pen tynyshtyqty saqtaý. Kúsh qurylymdary-bul bizdiń shekaramyzdyń qaýipsizdigi. Ári qarai da solai bolsyn", - dedi Arman Qyryqbaev.
Alǵys hattardy Qorǵanys departamenti bastyǵynyń orynbasary – Áskeri quram basqarmasynyń bastyǵy Gaýhar Syrlybaeva; qorǵanys departamentiniń josparlaý jáne úilestirý bóliminiń bastyǵy Jaslan Dalbaev; Saǵadat Nurmaǵambetov atyndaǵy Qurlyq áskerleri Áskeri institýtynyń áskeri dirijeri - orkestr basshysy, aǵa leitenant Adi Qabdrahmanov; memlekettik órt baqylaý basqarmasy Tehnikalyq retteý tobynyń bas mamany, azamattyq qorǵaý maiory Áset Mailybaev; Almaty qalasy prokýratýrasy apparattyq basqarmasynyń aǵa prokýrory, 1-synypty zańger Nursultan Jidelbai; kriminaldyq politsiia bóliminiń jedel ýákili, politsiia maiory Murat Rysqulbekov; Almaty qalasy boiynsha UQK Departamentiniń jedel qyzmetkeri Aibek Sadyhan; Almaty qalasy Mamandandyrylǵan kúzet qyzmeti basqarmasynyń QR IIM vzvod komandiri, politsiia aǵa leitenanty Aidos Jankýshikov; qylmystyq quqyq, qylmystyq protsess jáne kriminologiia kafedrasynyń meńgerýshisi M. Esbolatov atyndaǵy QR IIM Almaty akademiiasynyń zań ǵylymdarynyń kandidaty, professor, politsiia polkovnigi Estai Ábilezov; Ekonomikalyq tergeý jáne inspektsiialar departamentiniń asa mańyzdy ister jónindegi jedel ýákili Jaqsylyq Myrzahan aldy. Sonymen qatar, polkovnik Radjan Janysov "Qurmet" ordenimen, al podpolkovnik Daniiar Karmanov "Aibyn"ordenimen marapattaldy.
Merekeniń resmi bóligi Saǵadat Nurmaǵambetov atyndaǵy Qurlyq áskerleri Áskeri institýtynyń kýrsanttarynyń qarý-jaraqpen saptyq jattyǵýlarymen aiaqtaldy. Áskerilerdiń áreketterin baqylai otyryp, tipti ata-analarymen birge rásimge kelgen kishkentai balalar da olarmen birge jattyǵýlar jasaýǵa tyrysty. Sodan keiin qazaqstandyq estrada juldyzdarynyń qatysýymen merekelik kontsert bastaldy. Otan qorǵaýshylarǵa il canto vokaldyq kvarteti, Baǵdat Ábdiraiymov, Tolqyn Zabirova, Jámila Serkebaeva jáne basqa da kóptegen ujymdar mýzykalyq syilyq jasady.
