23 قىركٷيەكتە الماتىدا بولعان قاتتى جاڭبىردان كەيٸن امانجول كٶشەسٸنٸڭ بٸر بٶلٸگٸ قايتا بٷلٸندٸ, دەپ حابارلايدى Dalanews.kz.
جەرگٸلٸكتٸ تۇرعىنداردىڭ ايتۋىنشا, جاۋىننان كەيٸن بۇل كٶشە تۇتاس ارىققا اينالادى. بٸر اپتا بۇرىن دەل وسى جەردە بٸردەن 13 كٶلٸك شۇڭقىرعا تٷسٸپ كەتكەن ەدٸ.
كۋەگەردٸڭ سٶزٸنشە, سۋ جوعارى كٶشەلەردەن تٶمەنگە اعىپ, اسفالتتى شايىپ كەتەدٸ. ونىڭ ايتۋىنشا, كٶلٸكتەر سۋعا باتىپ قالعاننان كەيٸن كوممۋنالدىق قىزمەتتەر جولدى تەك توپىراقپەن كٶمٸپ قويعان, سونىڭ كەسٸرٸنەن كٶشەنٸ قايتادان سۋ شايعان.
"اپاتتان كەيٸن التى كٷن ٶتتٸ, تاعى دا بەرٸن توپىراقپەن كٶمٸپ تاستادى, بٸراق جاڭبىر بەرٸبٸر شايىپ كەتتٸ. ارىقتاردى قوسۋ ٷشٸن جەر قازدى, بٸراق جۇمىستى اياقتاماي, قۇبىرلاردى جول جيەگٸنە تاستاپ كەتكەن. ەندٸ بٷكٸل كٶشە تۇتاس ارىققا اينالدى", – دەدٸ ول.
تۇرعىن تٷسٸرگەن ۆيدەودا ادامداردىڭ تاستان تاسقا سەكٸرٸپ, كٶشەدەن ٶتٸپ جاتقانى كٶرٸنەدٸ. ونىڭ ايتۋىنشا, بۇل مەسەلە وسى جەردە 20 جىلدان بەرٸ شەشٸلمەي كەلەدٸ.
"بٷكٸل اۋداننان جينالعان جاۋىن سۋى بٸر جەردەن شىعادى: قۇبىردان سۋ سارقىراپ, جىل سايىن وسى كٶشەنٸڭ اسفالتىن شايىپ كەتەدٸ. ۇزىندىعى 200 مەتر ارىق جاپىراق پەن قوقىستان تەز بٸتەلٸپ قالادى, سۋ سىرتقا شىعىپ, جولدى قايتا بٷلدٸرەدٸ. ەر نٶسەردەن كەيٸن ونى كٶمٸپ, جٶندەيدٸ, بٸراق العاشقى جاۋىن بەرٸن تاعى شايىپ كەتەدٸ. مەن بۇل جەردە 20 جىلدان بەرٸ تۇرامىن, مەسەلە سول كٷيٸ شەشٸلمەگەن", – دەيدٸ ول.
تۇرعىن جەرگٸلٸكتٸ بيلٸك ٶكٸلدەرٸن كٶشەدەن كٶرمەگەنٸن ايتتى.
"بٷگٸن اۋدان ەكٸمٸنٸڭ ورىنباسارى وسىندا كٷرەكپەن جٷرگەنٸن ايتتى, بٸراق وعان كٷرەكتٸڭ نە كەرەگٸ بارىن تٷسٸنبەيمٸن. ول درون ۇستاپ جٷرۋٸ كەرەك قوي, سوندا عانا ليۆنەۆكانى قالاي قايتا بٶلۋ كەرەگٸن كٶرە الادى", – دەدٸ ول.
19 قىركٷيەكتە الماتى ەكٸمٸ دارحان ساتىبالدى مەردٸگەرلەردٸ قاداعالاۋداعى ولقىلىقتار ٷشٸن ەۋەزوۆ اۋدانى ەكٸمٸنە قاتاڭ سٶگٸس جارييالادى. امانجول كٶشەسٸندەگٸ اسفالتتىڭ وپىرىلىپ, 13 كٶلٸكتٸڭ زاقىمدانۋىنا («سپەتسستروي گرۋپپ لتد»), سونداي-اق ياسساۋي كٶشەسٸندەگٸ جاعدايعا («سپەتسكوممۋنستروي») بايلانىستى شارا قولدانىلدى.
سونىمەن قاتار, مەدەۋ اۋدانىنىڭ ەكٸمٸ سٶگٸس الىپ, بوستاندىق اۋدانى ەكٸمٸنٸڭ ورىنباسارى قىزمەتٸنەن بوساتىلدى.
