"شيەۆرون" كومپانياسى قولداۋ كورسەتكەن وسىناۋ ءىس-شارا "تاۋ-تۇران" ءبىلىم بەرۋ-ساۋىقتىرۋ كەشەنىندە ۇيىمداستىرىلىپ بايقاۋعا ەلىمىزدىڭ بارلىق وڭىرلەرىنەن 24 قاتىسۋشى قاتىستى. بۇلاردىڭ ىشىندە 16 بالانىڭ مۇگەدەكتىگى بار.
وسىناۋ شارا بارىسىندا ولار كومپيۋتەرلىك باعدارلامالاۋ، سايت ازىرلەۋ، مەنەدجمەنت، ماركەتينگ، ينتەرنەت ساۋدا، روبوتوتەحنيكا، ءموبيلدى قوسىمشالار جاساۋ جانە دە جوبالار پرەزەنتاسياسىن ازىرلەۋ سياقتى جۇمىستاردىڭ قىر-سىرىمەن تانىستى.
شارا ۇيىمداستىرۋشىلارىنىڭ ءبىرى، "ەرەكشە تاڭداۋ-شەلەك" قورىنىڭ پرەزيدەنتى زاحيرا بەگالييەۆانىڭ ايتۋىنشا بايقاۋعا قاتىسۋشىلارعا مۇگەدەكتىگى بار ادامداردىڭ ءومىرىن جەڭىلدەتەتىن جوبالار ۇسىنۋ مىندەتى قويىلعان.
"بۇل لاگەرگە تەك مۇمكىندىگى شەكتەۋلى جاستاردى عانا ەمەس، سونىمەن بىرگە اياق-قولى ساۋ قىز-جىگىتتەردى دە شاقىردىق. مۇنداعى ماقساتىمىز ەكى توپتى بىرىكتىرۋ ەدى. وسىنىڭ ناتيجەسىندە مۇگەدەكتەرگە دەگەن كوزقاراستى وزگەرتۋگە تىرىستىق. تەڭدىك. تەڭ دارەجەدە سويلەسۋ. مۇمكىندىگى شەكتەۋلى جاستاردى قوعامنان بولەكتەۋگە بولماسىن دالەلدەگەمىز كەلدى.
لاگەرگە قاتىسۋشى جاستار سونىمەن بىرگە ءىت تەحنولوگيالار سالاسىنداعى، ونىڭ ىشىندە Microsoft، CISCO، حالىقارالىق ءىت ۋنيۆەرسيتەتى ماماندارىنىڭ ءدارىسىن تىڭداۋعا مۇمكىندىك الدى. سپيكەرلەر جاستارعا ءوز جوبالارىن قالاي جەتىلدىرۋگە بولاتىنىن ايتىپ، جول كورسەتتى"، – دەيدى ول.
«شيەۆرون» كومپانياسىنىڭ باق-پەن بايلانىس كوورديناتورى اينۇر سىدىقوۆانىڭ ايتۋىنشا، ءاربىر ادام ومىردەن ءوز ورنىن تابۋعا ۇمتىلۋى كەرەك.
– 18 ملن ادام تۇراتىن قازاقستاندا ەكى قولعا ءبىر كۇرەك تابىلادى. اباي اتامىز، "سەن دە ءبىر كىرپىش دۇنيەگە، كەتىگىن تاپ تا بار قالان" دەپ بەكەرگە ايتقان جوق. وسىدان ءبىر عاسىردان استام ۋاقىت بۇرىن ايتىلعان وسى ءبىر وسيەت ءالى كۇنگە دەيىن ءوز وزەكتىلىگىن جوعالتقان جوق. ومىردە ءوز جولىن تاپقان ادام ماقساتىنا جەتكەن ادام.
وسىناۋ لاگەردە سىزدەردىڭ جولدارىڭىزدى اشسىن. قورقىپ، قوبالجىماڭىزدار. وسى ءىستىڭ قىر-سىرىنا ۇيرەنىپ، ومىردە تابىسقا جەتۋلەرىڭىزگە تىلەكتەسپىن، – دەدى اينۇر سىدىقوۆا.
اينۇر سىدىقوۆانىڭ ارىپتەسى، «شيەۆرون» كومپانياسىنىڭ باق-پەن بايلانىس كوورديناتورى جانار قوشپانوۆانىڭ اتاپ وتكەنىندەي، وسىناۋ ءىت لاگەر مۇمكىندىگى شەكتەۋلى جاستاردى قولداۋ ماقساتىندا ۇيىمداستىرىلعان.
"مۇمكىندىگى شەكتەۋلى جاستار دا ءىت بىلىممەن، ءىت تەحنولوگيالارمەن سۋسىنداۋى كەرەك. وسى سالانى بۇگە-شىگەسىنە دەيىن مەڭگەرسە، كەيىننەن مۇگەدەكتەردىڭ ءومىر ءسۇرۋىن جەڭىلدەتەتىن زاماناۋي جوبالار جاساپ شىعارارى انىق. مۇمكىندىگى شەكتەۋلى جاستاردى ەڭبەككە تارتۋ، قوعامدىق ىستەرگە ارالاستىرۋدا وسىنداي لاگەرلەردىڭ ماڭىزى زور"، – دەدى ول.
ءيا، بۇل شارانىڭ ماڭىزدىلىعى وسىندا. شارا اياسىندا قاتىسۋشىلاردىڭ ۇزدىك شىققان جوبالارىنا "شيەۆرون" كومپانياسىنىڭ تاراپىنان گرانت بولىنەتىن بولادى.
شارا ۇيىمداستىرۋشىلارىنىڭ ايتىپ وتكەنىندەي جوباعا قاتىسۋشىلارعا ءىت ماماندار تاراپىنان اقىل-كەڭەس بەرىلىپ، 3 ايدان كەيىن كونكۋرسقا قاجەتتى الەۋمەتتىك جوبالارىن ۇسىنالاتىن بولادى. كەيىننەن وسى جوبانى جۇزەگە اسىرۋعا قارجى-قاراجات بولىنەدى.
ءبىز ءوز تاراپىمىزدان وسى شاراعا قاتىسقان جاستارمەن دە تىلدەسكەن ەدىك.
وسى لاگەردە ءوزىنىڭ I-Dos دەپ اتالاتىن جوباسىن تانىس ەتكەن ءزايتۇن قۇسايىنوۆانىڭ ايتۋىنشا لاگەر مۇمكىندىگى شەكتەۋلى جاستاردىڭ ەكىنشى تىنىسىن اشىپ، جاڭا جوبالار جاساۋعا شابىت بەرىپ وتىر.
– مەن I-Dos دەپ اتالاتىن جوبانىڭ جەتەكشىسىمىن. مەنىڭ جوبام ءىت حاكاتوندا توپ جاردى. ءدال ءقازىر 16 قاتىسۋشىنىڭ اراسىندا ب ا ق سىناۋدامىز. I-Dos جوباسى 18-75 جاس ارالاعىنداعى مۇگەدەكتەرگە ۆولونتەرلىك كومەك كورسەتەتىن قوسىمشا. بۇل جوبا ەرىكتىلەر قاۋىمىن بىرىكتىرىپ، مۇمكىندىگى شەكتەۋلى جاندارعا قول ۇشىن سوزۋعا باعىتتالعان.
ناقتىراق ايتار بولسام، كومەككە مۇحتاج جان ءوزىنىڭ ۇيالى تەلەفونىنا اتالعان قوسىمشانى كوشىرىپ الىپ، ەرىكتىلەرگە ءوزىنىڭ ءوتىنىشىن ايتا الادى. ايتالىق، اۋىر جاعدايعا تاپ بولسا، بۇل قوسىمشادا SOS تۇيمەسى بار. سونىڭ نەگىزىندە جەدەل جاردەمدى نەمەسە ۆولونتەرلاردى كومەككە شاقىراتىن مۇمكىندىگى بار.
جاسىرارى جوق، كوپ جاعدايدا مۇمكىندىگى شەكتەۋلى جاندار ۇيدەن شىعا المايدى. ولاردىڭ قارنى اشۋى مۇمكىن، ءدارىحانادان ءدارى الۋ قاجەتتىگى تۋىنداۋى مۇمكىن. مىنە، سونداي كەزدە ءبىزدىڭ قوسىمشا كومەككە كەلەدى، – دەيدى ول.
تاعى ءبىر جوبا قاتىسۋشىسى تەمىرحان ءىزباسقانوۆ مۇگەدەكتەرگە ارنالعان ينتەرنەت-كافە اشقىسى كەلەتىنىن ايتتى.
- اقتوبە قالاسىندا مۇنداي ورىندار مۇلدە جوق. بار بولعان كۇننىڭ وزىندە مۇمكىندىگى شەكتەۋلى ازاماتتىڭ قالتاسىنا اۋىر سوعۋى مۇمكىن. مەن قولعا العالى وتىرعان ينتەرنەت - كافە مۇگەدەك ازاماتتار ءۇشىن تەگىن بولادى. ولار وسى كافەگە كەلىپ، ينتەرنەتكە كىرىپ، ءوزارا پىكىرالماسادى، – دەيدى ول.
ايتا كەتەلىك، جوبانىڭ كەلەسى كەزەڭىندە ەڭ ۇزدىك توپتارعا الەۋمەتتىك ماسەلە شەشۋگە باعىتتالعان IT ۇسىنىستارىن جۇزەگە اسىرۋعا (جالپى سومماسى 2 000 000 تەڭگە) گرانتتار بەرىلەدى. مۇمكىندىكتەرى شەكتەۋلى ادامداردىڭ جۇمىسقا ورنالاسۋعا باسەكەلەستىگىن جوعارىلاتاتىن جوبالارعا ەرەكشە نازار اۋدارىلادى.
جوبا «ەرەكشە تاڭداۋ-شەلەك» كورپوراتيۆتىك قورى، «مويىمايتىن مۇگەدەكتەر قوعامى» قوعامدىق بىرلەستىگى، «Samruk-Kazyna Trust» الەۋمەتتىك جوبالاردى دامىتۋ قورىنىڭ بىرلەستىگى مەن «شيەۆرون» كومپانياسى، ق ر ەڭبەك جانە حالىقتى الەۋمەتتىك قورعاۋ مينيسترلىگى جانە «ورتالىق ازيانىڭ ەۆرازيا قورى» كورپوراتيۆتىك قورىنىڭ قولداۋىمەن جۇزەگە اسىپ جاتىر.
